Indol
Indol er ei kvit, krystallinsk, organisk sambinding med smeltepunkt 52,5 °C og kjemisk formel C8H7N. I heilt rein tilstand har indol ei blomeliknande lukt, særleg ved låg konsentrasjon. Dette gjer at indol har vore nytta i parfymelaging. Indol er vanlegvis ureina med litt skatol og har då ei vond lukt.
Indol vart fyrste gongen framstilt av indigo, men kan lagast syntetisk etter fleire metodar. Det finst i steinkoltjøre og i små mengder i sjasmin og appelsinblomeolje. Det er òg eit fysiologisk produkt, sidan det oppstår ved ròte og under melting i tarmkanalen. Det finst difor i menneskeavføring. Kjemisk er indol ein benzopyrrol.
Kjelder[endre | endre wikiteksten]
«indol» i Store norske leksikon, snl.no. Henta 25. februar 2017.
