Jan Christiansen

Frå Wikipedia – det frie oppslagsverket
Hopp til navigering Hopp til søk
Jan Christiansen
Statsborgarskap Noreg
Fødd 8. april 1941
Enebakk
Idrett fotball
Yrke fotballspelar, fotballtrenar

Jan Clifford Christiansen (fødd 8. april 1941) er ein norsk tidlegare fotballspelar og -trenar. I tida 1966-75 spelte han sentralt på midtbana til Rosenborg BK, og vann tre seriemeisterskap og eitt cupgull.

Spelar[endre | endre wikiteksten]

Klubbspel[endre | endre wikiteksten]

Christiansen kom til Trondheim i 1965 for å studere på Norges tekniske høgskole. I sin fyrste sesong med Rosenborg, 1966-sesongen, var han med å spele klubben opp frå 2. divisjon. Allereie i sin fyrste sesong på høgste nivå vart laget norsk seriemeister og nådde cupfinalen 1967, der det vart tap 1-4 mot oslolaget Lyn. Seinare vart han seriemeister i 1969 og 1971. I 1971 vart Rosenborg også norsk meister ved å vinne cupfinalen på Ullevaal stadion i Oslo med 4-1 over Fredrikstad FK. Gjennom sesongane 1967–75 spelte Christiansen 160 kampar og skåra 25 mål i 1. divisjon. Han var kaptein på Rosenborg i fleire sesongar.

Landslagsspel[endre | endre wikiteksten]

Christiansen spelte 13 landskampar i tida juli 1969 til oktober 1973. Einast i 1972 og -73 deltok han i fleire landskampar på rad. Han makta ikkje å markere seg for Noreg, kom aldri på skåringslista.

Merittar[endre | endre wikiteksten]

  • Seriemeister: 1967, 1969 og 1971 med Rosenborg
  • Noregsmeister: 1971 med Rosenborg
  • Tapande cupfinalist: 1967, 1972 og 1973 med Rosenborg
  • Seriesølv: 1968, 1970 og 1973 med Rosenborg

Trenar[endre | endre wikiteksten]

Christiansen var spelande trenar i Rosenborg i 1975 og i Røros IL i 1976.

Kjelder[endre | endre wikiteksten]