Jani Lakanen
| Jani Lakanen | |
|
| |
| Statsborgarskap | Finland |
| Fødd | 11. desember 1976 (47 år) Lojo kommune |
| Idrett | orientering |
Jani Ensio Lakanen (fødd 11. desember 1976) er ein finsk tidlegare orienteringsløpar frå Lohja i landskapet Nyland. Han gjekk til topps i verdscupen i orientering 2000. I 2006 vart han verdsmeister og europameister i klassisk løype.
Lakanen vann i 2001 VM-gull med Finland sitt stafettlag. I tida frå 1999 til 2006 tok han elles tre VM-sølv i stafett. Individuelt vann han i 2001 sølvmedaljen i klassisk, 34 sekund bakom norske Jørgen Rostrup. Året etter deltok Lakanen i det finske mannskapet som vart europameister i stafett. I 2005 vart han bronsemedaljør på kort-distansen under VM i Japan. Året etter sprang han inn til gullmedalje på den klassiske distansen ved VM i Danmark, det same gjorde han ved europameisterskapen i Estland. Etter eit lengre opphald kom Lakanen tilbake då det var VM 2013 på finsk heimegrunn. Her vart han andremann i den klassiske løypa, einast legendariske Thierry Gueorgiou orienterte betre.
Medaljar og plasseringar i verdsmeisterskap[endre | endre wikiteksten]
- VM 1999: Sølv i stafett, nr 4 på kort-distansen
- VM 2001: Sølv i klassisk løype, gull i stafett
- VM 2003: Sølv i stafett, nr 7 i klassisk løype
- VM 2005: Bronse på kort-distansen
- VM 2006: Gull i klassisk løype, sølv i stafett
- VM 2013: Sølv i klassisk løype
Kjelder[endre | endre wikiteksten]
- Denne artikkelen bygger på «Jani Lakanen» frå Wikipedia på finsk, den 1. juli 2023.