Jens Michael Lund
| Jens Michael Lund | |
 | |
| Statsborgarskap | Noreg |
| Fødd | 13. januar 1872 |
| Død | |
| Yrke | advokat, redaktør |
Jens Michael Lund (13. januar 1872–10. mars 1943) var ein norsk jurist frå Oslo, frå 1916 til 1920 den fyrste riksmeklingsmannen i Noreg.
Lund var dotterson til Frederik Stang og bestefar til høgsterettsdommaren Ketil Lund. Han var dessutan bror til juristen og politikaren Fredrik Stang Lund.
Jens Michael Lund vart cand.jur. i 1897 og var høgsterettsadvokat frå 1902. Attåt advokatpraksisen var han frå 1908 redaktør av Norsk retstidende og frå 1911 formann i appellkommisjonen til riksforsikringa.
I tida 1916-20 var Lund Noregs fyrste riksmeklingsmann, ei tid prega av talrike arbeidstvistar i landet. Også etter at han hadde slutta som riksmeklingsmann deltok han som meklar i fastlåste og vanskelege konfliktar. Han var såleis fungerande riksmeklingsmann under sjømannskonflikten i 1921 og formann i skilsdomstolen for ei rad tvistar i 1922.
Perioden 1922–36 var Lund formann i arbeidsrådet og 1933–36 i boikottdomstolen.
Kjelder
[endre | endre wikiteksten]- Denne artikkelen bygger på «Jens Michael Lund» frå Wikipedia på bokmål, den 28. juni 2018.