Johan Lauritz Rasch

Johan Lauritz Rasch
Fødd	1. desember 1829 Christiania
Død	5. mars 1901 (71 år)
Statsborgar av	Noreg
Yrke	politikar
Alle verv	stortingsrepresentant (1871–1873) ordførar i Halden (1865–1881) fylkesmann i Østfold (1881–1890) vararepresentant til Stortinget (1877–1879) stortingsrepresentant (1880–1882)

Johan Lauritz Rasch (1. desember 1829–5. mars 1901) var ein sakførar, embetsmann og stortingsmann frå Kristiania.

Liv og virke

Bakgrunn

Rasch var son til ein hamnefut. Han vart student i 1848 og cand. jur. i 1852. Deretter var han i fire år fullmektig hos sakførar i heimbyen. Frå 1856 arbeidde han i Fredrikshald (Halden), fram til 1876 som overrettssakførar, sidan som byfut 1876–1881. Åra 1881–1890 var han amtmann i Smaalenene.

Karriere

Han var ordførar i Fredrikshald frå 1865 til 1881. Elles var han styremedlem av Fredrikshalds bankkontor 1881–1887 og ei tid styreformann i Dalslandsbanen.

Rasch var Fredrikshald sin representant på Stortinget 1871–1873, 1880–1882 og på omframstortinget 1882. I den fyrste perioden var han sekretær i Stortinget og medlem av justiskomite nr 2, i den andre var han medlem av justiskomiteen.

Rasch døydde i Kristiania i 1901.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Johan Lauritz Rasch NSD Norsk senter for forskningsdatas politikararkiv