Karakterar i Adventure Time

Den amerikanske animerte TV-serien Adventure Time har ei rollebesetning av fiktive karakterar skapt av Pendleton Ward. Serien dreier seg om eventyra til protagonistane Finn (gjeve stemme av Jeremy Shada), ein gut i tenåra, og bestevenen hans Jake (gjeve stemme av John DiMaggio), ein hund med magiske krefter til å endre form og storleik av eigen vilje. Finn og Jake bur i det postapokalyptiske landet Ooo og reiser gjennom landet medan dei er på eventyr. På ferdene samhandlar dei med dei andre hovudkarakterane i serien: Princess Bubblegum (Hynden Walch), Ice King (Tom Kenny) og Marceline the Vampire Queen (Olivia Olson).

Hovudroller

Finn the Human

Gjeve stemme av

• Jeremy Shada (TV-serie)
• Zack Shada (opphavleg pilotepisode)

Finn er ein gut som likar ingenting meir enn å dra på eventyr og redde dagen. Han har på seg ei kvit lue som dekkjer til det lange blonde håret hans. Då han var eit spedbarn, vart han forlaten og deretter adoptert av foreldra til Jake, Joshua og Margaret, som forklart i episoden «Memories of Boom Boom Mountain». Han ser på seg sjølv som ein helt, og har ein hug til å dra på eventyr og har svore på å hjelpe kven som helst i naud, men når han er så full av energi som han er, har han problem i stoder som krev at han gjer andre oppgåver enn å slåst.

Jake the Dog

Gjeve stemme av John DiMaggio

Jake er bestevenen og adoptivbroren til Finn. Han er ei 28 år-gamal-i-«magiske hundeår» formskiftande bulldogg. I episoden «Joshua & Margaret Investigations» blir det avslørt at når Joshua og Margaret, foreldra til Finn og Jake, var på ei etterforsking, vart Joshua biten av ein forskiftande utanomjording. Joshua, som er vorten forgifta av skapningen, føder deretter Jake frå hovudet sitt. Dei magiske kreftene til Jake, lèt han strekke og krympe kva kroppsdel som helst til kva form og storleik som helst, frå å bli gigantisk til å gjere seg knøttliten. Kreftene hans hjelper Finn monaleg i kamp og til transport, men er også nokre gonger berre brukt som gemyttlege uttrykksformer.

Sjå òg

• Adventure Time

Kjelder

• Denne artikkelen bygger på «List of Adventure Time characters» frå Wikipedia på engelsk, den 29. mars 2020.
  • Wikipedia på engelsk oppgav desse kjeldene:

Orange, B. Alan. «SDCC 2011 Exclusive: Adventure Time Cast Interviews». Movie Web. Arkivert frå originalen 20. september 2011. Henta 20. august 2011. 

Clark, Noelene (18. november 2012). «'Adventure Time': Finn Actor Jeremy Shada is 'Constantly Surprised'». Los Angeles Times (Tribune Company). Henta January 22, 2013. 

Leichliter, Larry (director); Patrick McHale (creative director); Nick Jennings (art director); Bert Youn & Sean Jimenez (storyboard artists) (3. mai 2010). «Memories of Boom Boom Mountain». Adventure Time. Cartoon Network. 

Sava, Oliver (14. august 2014). «Review: Adventure Time: 'Joshua And Martha Investigations'». The A.V. Club. The Onion. Henta 15. august 2014.