Katowice

Katowice
Flagget til Katowice Byvåpenet til Katowice
Plassering
Styresmakter
Land Voivodskap	Polen Schlesiske voivodskap
Grunnlagd Byrettar	1500-talet 1865
Borgarmeister	Piotr Uszok
Geografi
Flatevidd  - By	164,67 km²
Innbyggjarar  - Totalt (2007)    - folketettleik  - Storbyområde	317 220   1926/km² 3 500 000
Koordinatar	50°15′0″N 19°0′0″E
Høgd over havet	266-352 moh
Diverse annan informasjon
Postnummer	40-001 til 40-999
Telefon-retningsnummer	+48 32
Bilnummer	SK
Nettstad: www.um.katowice.pl

Katowice (tysk Kattowitz, tsjekkisk Katovice) er ein industriby i Schlesien i Polen, om lag 70 km. nordvest for Kraków. Han har om lag 320 000 innbyggjarar. Byen ligg sør i Polen ved elvane Kłodnica og Rawa (sideelva til Oder og Wisła). Katowice ligg i Det schlesiske høglandet, om lag 50 km frå Dei schlesiske Beskidane (ein del av Karpatane) og om lag 100 km frå Sudetane.

Katowice har vore hovudstad i Schlesiske voivodskap sidan 1999. Tidlegare var han hovudstad i Katowice-voivodskapet og før det igjen i Det autonome schlesiske voivodskapet. Katowice er den største byen i det øvre schlesiske indistruområdet og det sentrale Øvre Schlesiske Storbyområde, som inneheld 3,5 millionar innbyggjarar.

Historie

Den dåverande preussiske byen fekk byrettar i 1865, og høyrde til landkrinsen Beuthen i regjeringsdistriktet Oppeln. I 1873 vart den sete for den nye landkretsen Kattowitz og vart i 1899 ein eigen bykrins. Sjølv om fleirtalet i byen (85 %) røysta for å framleis vere tysk ved folkerøystinga 21. mars 1921 vart byen innlemma i Polen. Den vart igjen innlemma i Tyskland i 1939 og på nytt innlemma i Polen i 1945. Mesteparten av den tyske folkesetnaden vart då brutalt fordrive. Mellom 1953 og 1956 vart byen kalla Stalinogród («Stalinbyen»).

Wyspianski-teateret i Katowice

Byen har etter Opole (Oppeln) den største tyske minoriteten i dagens Polen.

Personar

• Willy Fritsch (*1901), tysk skodespelar
• Georg Thomalla (*1915), tysk skodespelar
• Hanna Schygulla (*1943), tysk skodespelar
• Henryk M. Broder (*1946), polsk journalist
• Dariusz Wosz (*1969), polsk fotballspelar
• Maria Goeppert-Mayer, tysk fysikar og Nobelprisvinnar