Kristianhus Båt- og Motormuseum

Kristian Otterskred som guide på Kristianhus museum.

Kristianhus Båt- og Motormuseum er eit museum som ligg på Vikøyri, sentrum i Vik kommune. Det vart utvikla av Kristian Otterskred frå Arnafjord, ein fjordarm i Sognefjorden, frå 1976 av.

Kristian Otterskred si motorsamling er ei privat motorsamling med omlag 300 registrerte motorar. Om lag 150 motorar er utstilte på Kristianhus Båt- og Motormuseum. Samlinga representerer i hovudsak norskbygde motorar frå perioden 1905-1976. I tillegg er det utstilt fleire båtar og andre fjord og kystrelaterte gjenstandar på museet. Også desse gjenstandane tilhøyrer Kristian Otterskred's Motorsamling. Samlinga er offentleg tilgjengeleg.