Kristkyrkja i Borgund
Kristkyrkja var ei kyrkje i Borgundkaupangen i mellomalderen. Eldste omtalen av kyrkja og presten er frå 1309.[1] Det går fram av omtalen i Aslak Bolts jordebok[2] (1432) at kyrkja allereie låg øyde. Ein trur at det er ruinen av denne kyrkja som i 1880 er omtala å liggje like nedanfor prestegardslåven, søraust for noverande Borgund kyrkje, men at ho er borte no.[3] Staden er ikkje arkeologisk undersøkt.
Kyrkja skal ha vore ei steinkyrkje frå andre halvdelen av 1100-talet, med rektangulært skip og kvadratisk kor, utvendig kledd med marmorkvader.[4]
Nemninga kristkyrkje vert ofte nytta om domkyrkjer med biskop, men eksistensen av eit eventuelt kortvarig bispedøme på Sunnmøre synest ikkje eintydig påvist.[5]
Kjelder
[endre | endre wikiteksten]- Kristkirken — Borgund Arkivert 2017-12-23 ved Wayback Machine. på nettstaden «Middelalder på Sunnmøre»
- Denne artikkelen bygger på «Kristkirken (Borgund)» frå Wikipedia på bokmål, den 21. september 2020.
Fotnotar
[endre | endre wikiteksten]- ↑ Diplomatarium Norvegicum XV:1
- ↑ Side 131 og 136.
- ↑ Sjå t.d. Kulturminnesøk.
- ↑ Jan Brendalsmo: Kildegjennomgang: Middelalderske kirkesteder i Møre og Romsdal fylke (Riksantikvaren, 2016), s. 18.
- ↑ Middelalder på Sunnmøre
Bakgrunnsstoff
[endre | endre wikiteksten]- Kristkirken kirkested i kulturminnesok.no, nettstaden til Riksantikvaren
- Borgund-kaupangen ved Kata-vågen i kulturminnesok.no, nettstaden til Riksantikvaren