Kurt Jooss
| Kurt Jooss | |
 | |
| Statsborgarskap | Tyskland |
| Fødd | 12. januar 1901 Wasseralfingen |
| Død |
22. mai 1979 (78 år) |
| Yrke | koreograf, musikkpedagog, dansar, danseinstruktør |
| Kurt Jooss på Commons | |
Kurt Jooss (12. januar 1901–22. mai 1979) var ein tysk ballettdansar og koreograf.[1]
Biografi
[endre | endre wikiteksten]Kurt Jooss var fødd i Wasseralfingen. Allereie i ung alder var han interessert i song, musikk og kunst. Han spelte piano og var ein dyktig fotograf. Jooss starta dansekarriera si i 1920 som student hos den nyskapande koreografen Rudolf von Laban.
Jooss grunnla fleire ballettkompanier, blant dei Folkwang Academy i Essen. I koreografien blanda han klassisk ballett med teater. Gjennombrotet var verket Det grøne bordet (1932) i Rolf de Maré sin koreografikonkurranse . Verket gjorde han året før Hitler kom til makta for å vise at han tok avstand frå krig. Han fekk tidleg eit internasjonalt namn, men vart i 1933 tvungen til å flykta frå Nazi-Tyskland med dansegruppa etter at han nekta å avskjediga dei jødiske dansarane.
Ballet Jooss
[endre | endre wikiteksten]Dansegruppa flytta til Storbritannia og tok namnet Ballet Jooss.[2] Ensemblet turnerte i Europa og Amerika til ut på 1950-talet. Den norske dansepioneren Gerd Kjølaas studerte hos Jooss og dansa i ensemblet hans i 1946-47.
Jooss vende i 1949 tilbake til Tyskland, der han var aktiv til han pensjonerte seg i 1968. Han døydde etter ei trafikkulykke i 1979.
Kjelder
[endre | endre wikiteksten]- ↑ «Kurt Jooss | Modern Dance, Expressionism & Ballet | Britannica», www.britannica.com (på engelsk), henta 11. september 2024
- ↑ Trust, Dartington (15. oktober 2019), «Kurt Jooss», Dartington Trust (på engelsk), henta 11. september 2024
- Denne artikkelen byggjer på «Kurt Jooss» frå Wikipedia på bokmål, den 10. september 2024.