Lassi Parkkinen

Frå Wikipedia – det frie oppslagsverket
Hopp til navigering Hopp til søk
Lassi Parkkinen
Lassi Parkkinen at the beginning of 1950's.JPG
Fødd 8. mai 1917
Varkaus
Død

3. oktober 1994
Esbo

Yrke skøyteløpar, boballspiller
Lassi Parkkinen på Commons

Lauri Rikhard Parkkinen (8. mai 19173. oktober 1994), kjend som Lassi Parkkinen, var ein finsk skeiseløpar frå Varkaus. Han vart verdsmeister i 1947 og vart nummer to på 10 000 meter under Vinter-OL 1948, og i skeise-VM 1952.

Parkkinen deltok i verdsmeisterskapen på skeiser både i 1938 og -39, utan å utmerke seg. Ved VM 1947 i Oslo viste han seg derimot som den jamnaste deltakaren, og vann laurbærkransen framom norske Sverre Farstad. Under dei olympiske vinterleikane 1948 i St. Moritz vart han fjerdemann på 1500 meter, før han sikra seg sølvmedaljen på 10 000 meter.

Under Vinter-OL 1952 i Oslo gjorde Parkkinen sitt beste løp på 1500 m, der han enda på sjetteplassen. Ei veke etter Oslo-leikane var over, tok han andreplassen etter Hjalmar Andersen då verdsmeisterskapen gjekk av stabelen fyrste helga i mars.

Parkkinen vart finsk meister fem gongar; 1941, 1943, 1944, 1946 og 1952. Han deltok internasjonalt til 1953.

Kjelder[endre | endre wikiteksten]