Loch Arkaig

Frå Wikipedia – det frie oppslagsverket
Hopp til navigering Hopp til søk
Loch Arkaig
innsjø
Loch Arkaig.jpg
Solnedgang over dei vestlege åsane
Område Lochaber i Skottland
Tilsig Dessarry, Pean River
Utløp River Arkaig
Høgd over havet 43 moh
Lengd 19 km
Koordinatar 56°57′58″N 5°8′2″WKoordinatar: 56°57′58″N 5°8′2″W
Øyar 2

Loch Arkaig
56°57′58″ N 5°8′2″ W
Wikimedia Commons: Loch Arkaig

Loch Arkaig er ein innsjø i Lochaber i Skottland, vest for Great Glen. Han er om lag 19 km lang og ligg 43 meter over havet. Den største djupna i innsjøen er om lag 91 meter.

Innsjøen får vatn frå Dessarry og Pean, som renn gjennom dalar med same namn. Dei munnar ut i innsjøen heilt i vest ved busetnaden Strathan. Fjella i Lochaber ligg i nord og Forest of Locheil i sør. Innsjøen vert drenert av River Arkaig heilt aust i innsjøen, og denne renn vidare austover til Loch Lochy, gjennom Achnacarry.

Det ligg to små øyar aust i innsjøen. På den største av desse, Eilean Loch Airceig, ligg ruinane av eit kapell og den tidlegare gravstaden til Cameron-klanen. Ein veg frå Great Glen følgjer nordsida av innsjøen til Strathan og frå der stiar vidare til Knoydart, Glenfinnan og Loch Morar.

I 1746 vart det sagt at midlane til jakobittane vart gøymd her, den såkalla Loch Arkaig-skatten.

Som med mange andre skotske innsjøar skal det ein gong ha vore ein kelpie i innsjøen.

Kjelder[endre | endre wikiteksten]

Bakgrunnsstoff[endre | endre wikiteksten]