Loch of Aboyne

Frå Wikipedia – det frie oppslagsverket
Jump to navigation Jump to search
Loch of Aboyne
innsjø
none
Land Flag of Scotland.svg Skottland
Koordinatar 57°5′15″N 2°46′1″WKoordinatar: 57°5′15″N 2°46′1″W
Wikimedia Commons: Loch of Aboyne

Loch of Aboyne er ein innsjø i Skottland. Han er kunstig danna ved Aboyne Castle ved Royal Deeside og ligg 2 km nordaust for Aboyne og 42 km sørvest for Aberdeen. Han vart bygt kring 1834 og vart nytta som eit reservoar for ei nærliggjande mølle. I vintarmånadane er et populært å drive curling på innsjøen, og i nyare tid har Aberdeen Water Ski Club halde til her.

Den søraustlege delen av innsjøen fekk status som Site of Special Scientific Interest (SSSI) i 1984 på grunn av dei biologiske tilhøva. Han er eit viktig habitat for vassfugl og andre fuglar, og ofte kan ein sjå fiskeørn hente fisk frå vatnet. Det er òg ein viktig stad for sommarfugl.

Aboyne Loch campingplass ligg på ei skogkledd halvøy som strekkjer seg ut i innsjøen, medan Aboyne Golf Club ligg like sørvest for innsjøen.

Kjelder[endre | endre wikiteksten]