Manifest for demokratisering av Europa
Manifest for demokratisering av Europa er eit manifest frå 120 intellektuelle frå 16 europeiske land, med økonomen Thomas Piketty i brodden[1], der dei tek til orde for ei restrukturering av Den europeiske unionen, for å gjera han meir demokratisk [1][2]. Manifestet nemner fleire konkrete tiltak, men tek til orde for ein omfattande diskusjon av tiltaka[3].
Demokratisering og effektivisering[endre | endre wikiteksten]
Manifestet tek til orde for eit europeisk parlament med større fullmakter enn i dag, til erstatning for den teknokratiske styreforma ein har i dag. Det vert gjort framlegg om at 80 % av delegatane til det europeiske parlamentet skal koma frå dei nasjonale parlamenta, der talet på representantar kra kvart nasjonalt parlament står i høve til folketalet. Målet er at det europeiske parlamentet skal representera folkemeininga på ein meir rettferdig måte.
Det vert teke til orde for å gi det europeiske parlamentet avgjerande makt, meir på linje med dei nasjonale parlamenta. På den måten vonar ein å unngå at enkeltland blokkerer viktige framsteg. Dette vert sett på som ein måte å effektivisera styreforma på.
Økonomi[endre | endre wikiteksten]
Manifestet tek til orde for eit større europeisk budsjett og ei meir rettferdig skatteinnkrevjing. Forslaget går ut på at budsjettet i hovudsak skal koma frå fire store bidrag:
- store føretak, spesielt multinasjonale føretak, betaler skatt etter forteneste
- auka skatt på inntekt over € 200.000 per år
- auka skatt på formuar over 1.000.000 euroo.
- ei skattelegging av fossilt drivstoff, for å redusera utsleppa av karbondioksys. Det vert argumentert for ei avgift på minimum € 30 per tonn
Målet er å firedobla EU-budsjettet. Det er tenkt at halvparten av budsjettet skal gå attende til dei nasjonale budsjetta, ein fjerdedel skal brukast til forsking og utdanning og resten skal fordelast til andre føremål.
Referansar[endre | endre wikiteksten]
- ↑ 1,0 1,1 Nous lançons aujourd’hui un appel pour transformer les institutions et les politiques européennes, Le Monde, 8/12-2018.
- ↑ 'Manifest om demokratiseringen af Europa', Politeken, 10/12-2018.
- ↑ 'Manifeste pour la dẽmoncratisation de l'Europe'
