Margaret Eckbo

Frå Wikipedia – det frie oppslagsverket
Hopp til navigering Hopp til søk
Margaret Eckbo
Fødd 20. oktober 1948
Oslo
Yrke politikar, offentlig tjenestemann, bedriftsleiar, sjukepleiar

Margaret Eckbo (fødd 20. oktober 1948 i Oslo) er ein norsk politikar for Frp. Ho var byråd for velferd og sosiale tenester i Oslo i perioden 2003 til 2006, og vart i 2006 direktør i Gravferdetaten i Oslo kommune.

Eckbo er utdanna sjukepleiar og har jobba som avdelingssjukepleiar på Ullevål sjukehus. Ho var dagleg leiar for bygningsfirmaet Borgea Bygg AS frå 1989 til 1995.

Eckbo gjekk inn i byrådet i 2003. Ho stod bak ein del omstridde vedtak, blant anna vedtaket om å oppløysa det såkalte Plata-miljøet. I oktober 2005 fremja Raud Valallianse sin representant i bystyret, Erling Folkvord, mistillitsforslag mot Eckbo. I august 2005 måtte ho offentleg seia seg lei for ei utsegn der ho samanlikna ein katt og menneske med Downs syndrom. Eckbo trekte seg som byråd 17. januar 2006.[1] Hausten 2006 vart ho tilsett av Byrådet i Oslo som ny direktør i Gravferdetaten i ei åremålsstilling på seks år.

Eckbo var gift med Eivind Eckbo (1927–2017), som var formann i Anders Langes parti, forlauparen til Framstegspartiet, frå 1974 til 1975.

Kjelder[endre | endre wikiteksten]

Bakgrunnsstoff[endre | endre wikiteksten]

  1. https://www.aftenposten.no/norge/i/8JB4E/Margaret-Eckbo-gar-av-som-byrad-i-Oslo