Matheuskyrkja i Borgund
Matheuskyrkja eller Mathiaskyrkja eller Matteskyrkja var moglegvis ei kyrkje i Borgundkaupangen i mellomalderen, men ho er ikkje eintydig påvist arkeologisk, og ho kan ha vorte forveksla med Kristkyrkja. Mattes kirckia er i Aslak Bolts jordebok (1432) omtala som tidlegare eigar av Dimna i Ulstein, men det går fram at godset er lagt under erkebispesetet, og kyrkja er for øyde å rekne.[1]
Skildringa hos Brendalsmo er svært lik den for Kristkyrkja: ei langkyrkje i stein med rektangulært skip og kvadratisk kor, utvendig kledd med marmorkvader. Øystein Ekroll[2] opererer da òg med berre tre kyrkjer i kaupangen, der ei er i nærleiken av prestegarden. I ein slik kontekst må ein gå ut frå at Mathiaskyrkja og Kristkyrkja viser til same bygget.
Kjelder[endre | endre wikiteksten]
- St. Matthis kirke — Borgund Arkivert 2021-10-26 ved Wayback Machine. på nettstaden «Middelalder på Sunnmøre»
- Jan Brendalsmo: Kildegjennomgang: Middelalderske kirkesteder i Møre og Romsdal fylke (Riksantikvaren, 2016), s. 19
- Denne artikkelen bygger på «Matheuskirken (Borgund)» frå Wikipedia på bokmål, den 21. september 2020.
Fotnotar[endre | endre wikiteksten]
- ↑ Aslak Bolts jordebok, s. 135.
- ↑ Ekroll, Øystein (1997). Med kleber og kalk: Norsk steinbygging i mellomalderen. Oslo: Samlaget. s. 181. ISBN 82-521-4754-2.
Bakgrunnsstoff[endre | endre wikiteksten]
- Mathiaskirken kirkested i kulturminnesok.no, nettstaden til Riksantikvaren
- Borgund-kaupangen ved Kata-vågen i kulturminnesok.no, nettstaden til Riksantikvaren