Melanie Chisholm
| Melanie Chisholm | |||
 Melanie C opptrer på «Night of the Proms 2017» i Mannheim i Tyskland. | |||
| Fødd | 12. januar 1974 (50 år) | ||
|---|---|---|---|
| Fødestad | Whiston i Merseyside | ||
| Fødenamn | Melanie Jayne Chisholm | ||
| Alias | Melanie C Mel C Sporty Spice | ||
| Opphav | Storbritannia | ||
| Aktiv | 1994 til i dag | ||
| Sjanger | Pop, dansepop, poprock | ||
| Tilknytte artistar | Spice Girls, Bryan Adams | ||
| Plateselskap | Virgin Records Red Girl Records | ||
| Verka som | songar, låtskrivar, skodespelar, dansar, forretningskvinne, TV-personlegdom, treningsmodell | ||
Melanie Jayne Chisholm (fødd 12. januar 1974), betre kjent som Melanie C eller berre Mel C, er ein engelsk songar, låtskrivar, skodespelar, dansar, forretningskvinne, TV-personlegdom og treningsmodell. Ho er ein av dei fem medlemmane i bandet Spice Girls, der ho hadde kallenamnet «Sporty Spice».
Med Spice Girls har Chisholm selt over 100 millionar plater i heile verda.[1] Som soloartist har ho selt over 20 millionar plater.[2][3][4] Den første songen ho gav ut var ein duett med Bryan Adams, «When You're Gone». I 1999 gav ho ut det første studioalbumet sitt, Northern Star, som har vorte selt i 4 millionar eksemplar. Chisholm har gjeve ut fem andre album og har vorte nominert til både Brit Awards og musikkprisen ECHO. Ho er i dag den kvinnelege artisten med nest flest førsteplass-singlar i Storbritannia.
Personleg liv[endre | endre wikiteksten]
Chisholm har vore open om kampen sin med klinisk depresjon[5] og spiseforstyrringar, som ho har opplevd fleire gonger i løpet av livet sitt.[6] Den yngre halvbroren hennar, Paul O'Neill, er ein racerførar.
Chisholm var i eit forhold med eigedomsutviklaren Thomas Starr. Chisholm fødte ei dotter, Scarlett, den 22. februar 2009 på Portland Hospital i London.[7]
Chisholm er òg ein tilhengar av Liverpool FC. Ho har 12 tatoveringar.[8]
Diskografi[endre | endre wikiteksten]
- Northern Star (1999)
- Reason (2003)
- Beautiful Intentions (2005)
- This Time (2007)
- The Sea (2011)
- Stages (2012)
- Version of Me (2016)
- Melanie C (2020)
Sjå òg[endre | endre wikiteksten]
Kjelder[endre | endre wikiteksten]
- Denne artikkelen bygger på «Melanie C» frå Wikipedia på engelsk, den 28. oktober 2014.
- ↑ «Simon Fuller and Judy Craymer plan Spice Girls musical». BBC News. 21. januar 2010. Henta 26. oktober 2011.
- ↑ Anna Matheson (24. februar 2016). «Mel C shares her diet and fitness secrets (and you can try them at home!)». Good to Know.
- ↑ «Spice Girls». This Day in Music.
- ↑ «Melanie C». Peer Music.
- ↑ «Mel C 'depressed'». BBC. 18. desember 2007.
- ↑ «Sporty Spice battles with eating disorders and depression». Contact Music. 18. desember 2007.
- ↑ «Spice Girl Mel C has a baby girl». BBC.
- ↑ "Lucky Number 11", Perez Hilton hjemmeside.
Bakgrunnsstoff[endre | endre wikiteksten]
Wikimedia Commons har multimedia som gjeld: Melanie Chisholm
