Moldøyna

Frå Wikipedia – det frie oppslagsverket
Moldøyna
stad
Land Flag of Norway.svg Noreg
Fylke Vestland
Kommune Fedje
Postnummer 5947 FEDJE
Gardnummer 170

Moldøyna (uttale målløynæ eller mådløynæ) er ei øy og ein gard nordvest i Fedje kommune. Øya vart knytt til resten av Fedje ved ei vegfylling i 1960-1961. Øya ligg rett sør for Skotholmen og ligg mellom Kyrkjevågen i vest og Fedjefjorden i aust. I sør ligg Nord-Tangen.

Namnet kjem av mold eller jord.[1]

Moldøyna vart første gong nemnd i skriftlege kjelder i 1603, då det vart skriven Moldøen. Dette var lenge den vanlege skrivemåten og vert i dag framleis nytta som slektsnamn. Moldøyna vart delt i to bruk i 1608 og i 1628 i tre bruk. Frå rundt 1700 har det vore fire bruk på øya. I nyare tid har det vorte skild ut fleire tomtar. I 1976 bygde P/R M/S «Feiebas» eit bygg med kai her som landbase for reiarlaget og fiskebåten med same namn.

Kjelder[endre | endre wikiteksten]

  • Arvid Skogseth (1997). Fedje og folket: Gards- og ættesoge for Fedje. Fedje kommune. 

Fotnotar[endre | endre wikiteksten]

  1. Oluf Rygh (1910). Norske Gaardnavne. 11. s. 427.