Mummitrollet

Frå Wikipedia – det frie oppslagsverket
Hopp til navigering Hopp til søk

Mummitrollet er ein barnebokfigur laga av den finlandssvenske forfattaren og teiknaren Tove Jansson. Ho gav ut ei rekkje bøker om Mummitrollet frå 1940-talet og framover. Desse bøkene vert ofte kalla Mummibøkene. Serien handlar om Mummitrollet og venene hans som bur i Mummidalen. Det er òg laga ein teikneserie om Mummitrollet, dokkefilmar for TV, og ein europeisk-japansk animasjonsserie for TV og kino. I Finland er det dessutan laga ein familiepark på grunnlag av forteljingane og figurane.

Mummitrollet og venene hans[endre | endre wikiteksten]

I byrjinga var Mummitrollet ein figur som dukka opp på sider som Jansson laga for eit finsk blad på 1930-talet, men etter kvart fekk Mummitrollet sjølv rolla som hovudperson i fleire bøker og filmar. Mummitrollet bur i eit stort blått hus i Mummidalen saman med Mummimamma og Mummipappa. Mummitrollet har mange gode vener, blant anna Snorkfrøken, Sniff, Snusmumriken og Lille My. Andre figurar i Mummidalen er Hufsa, Hemulen, Snorken, Totiki og Mymlen.

Spire Denne litteraturartikkelen er ei spire. Du kan hjelpe Nynorsk Wikipedia gjennom å utvide han.