Byen Nakhitsjevan
Nakhitsjevan (aserbajdsjansk Naxçıvan şəhəri) er ein by i Aserbajdsjan som er hovudstad i den autonome republikken Nakhitsjevan (som også Armenia har gjort krav på). Byen hadde 89 500 innbyggjarar ved byrjinga av 2014.[1]
Nakhitsjevan ligg på vestsida av elva Nakhitsjevantjaj og ved forfjella til Zangezur. Byen ligg rundt 1000 moh. Han har jarnbanestasjon og flyplass. I 2007 opna ei ny bru over Aras-elva til Iran.
Historie
[endre | endre wikiteksten]
Etter armensk tradisjon blei byen grunnlagd av den bibelske figuren Noah, og ein jordtopp på staden som skal vera grava hans blir framleis vitja av mange pilgrimar.[2] Dei eldste ark-legendene ein kjenner frå Armenia stammar frå 1200-talet.[3]
Nakhitsjevan var ein framtredande by i dei armenske Artaxide-, Arshakide- og Bagratuni-dynastiet frå 100-talet f.Kr. fam til 1000-talet.[4][5][6] På 100-talet omtalte Ptolemaios byen som Ναξουὰνα (Naxouana), og nokre forskarar har identifisert byen med Arxata som er nemnd av Strabon. Herodot skreiv at Araz-elva renn gjennom fjella i Matean til landet Nakhar.[7]
Den moderne historikaren Potts[8] har hevda at Nakhitsjevan truleg var hovudstaden i Siwnik-regionen av Armenia under sassanidane. Sebeos fortel at den austromerske keisaren Heraclius gjekk gjennom regionen under den bysantinske krigen mot sassanidane i 627-628. Andre armenske krønikeskrivarar nemner også at byen blei øydelagd av Heraclius før han gjekk vidare til Ganzak.
Tidleg på 1100-talet blei Nakhitsjevan hovudstad for staten til Atabek. Ved byrjinga av 1900-talet var byen distrikshovudstad i Erivan-guvernementet under Tsar-Russland.[9]
Kultur
[endre | endre wikiteksten]
Nakhitsjevan er utvald til å vera islamsk kultuhovudstad i 2018.[10]
Byen har ei rekkje fine eldre og nyare byggverk, mellom anna ei rekkje mausoleum, som Momine Khatun-mausoleet frå 1100-talet, Noah-mausoleet, Gulustan-mausoleet og Huseyn Javid-mausoleet frå 1900-talet.[11] Byen har også nokre interessante moskear, som den stor-doma Juma-moskeen.
Byen har fleire museum, mellom anna eit friluftsmuseum, eit museum tileigna den tidlegare presidenten i Aserbajdsjan, Heydər Əliyev (Gejdar Alijev), som kom herfrå, og eit minnesmuseum (Xatıra Muzeyi) vigd den nasjonale striden mellom Armenia og Aserbajdsjan.
Kjelder
[endre | endre wikiteksten]- ↑ «CITIES AND REGIONS», Nakhichivan.az. Henta 19. mai 2014.
- ↑ «NAKHICHEVAN, or NAKHJEVAN». jrank.org. Arkivert frå originalen 26. april 2015. Henta 23. mars 2015.
- ↑ http://www.noahsarksearch.com/An_Armenian_Perspective_On_The_Search_For_Noah%27s_Ark.pdf
- ↑ Kingdom of Greater Armenia. Oxford University Press. Retrieved 20 November 2013.
- ↑ Ter-Ghevondyan, Aram N. «Բագրատունիների Թագավորություն» (Bagratuni Kingdom). Soviet Armenian Encyclopedia. vol. ii. Yerevan, Armenian SSR: Armenian Academy of Sciences, 1976, p. 202. (armensk)
- ↑ Atlas of Ancient and Classical Geography , Samuel Butler, 1907. http://www.hellenicaworld.com/Greece/Literature/SamuelButler/en/images/armenia.jpg
- ↑ Herodotus. History, I 202; V 52
- ↑ D. T. Potts, "Some Problems in the Historical Geography of Nakhchivan" in Ancient West & East, Volume 1, No. 1, 2002.
- ↑ Brockhaus and Efron Encyclopedic Dictionary: Erivan Governorate.
- ↑ «Nakhchivan to be capital of Islamic Culture in 2018». en.apa.az. Arkivert frå originalen 13. april 2016. Henta 13 November 2014.
- ↑ «The mausoleum of Nakhichevan». whc.unesco.org. UNESCO. Henta 13 November 2014.
- Denne artikkelen bygger på «Nakhchivan (city)» frå Wikipedia på engelsk, og «Nachitjevan (stad)» frå Wikipedia på svensk den 23. mars 2015.
