Norskdidaktikk

Norskdidaktikk er fagdidaktikk for norskfaget. Såleis handlar norskdidaktikken om kva norskfaget går ut på, om kva som legitimerer norskfaget og om ulike framgangsmåtar i undervisninga og læringa i skulefaget norsk. Sidan norskdidaktikken femnar om heile norskfaget, vil der vere ei rad disiplinar som kjem inn: språkvitskap, litteraturvitskap, pragmatikk, tekstlære, skriftforming, lese- og skriveopplæring, drama, mediekunnskap, norsk som andrespråk og ikt.

Forsking og undervisning i norskdidaktikk er organisatorisk kopla til lærarutdanninga ved universitet og høgskular.

Gjennom lærarutdanningsprogram i nordisk har det på 2000-talet vorte oppretta fleire nye stillingar i norskdidaktikk ved universiteta.