Okklusjon i fysikk
Okklusjon av gass i fast stoff vil seie oppsuging av gass i stoffet. Okklusjon skil seg frå adsorpsjon, som vesentleg er ein overflateeffekt, ved at gassen diffunderer inn i djupare lag av stoffet. Ein omtalar òg okklusjon som ei løysing av gassen i det faste stoffet. I motsetnad til kva som er tilfelle ved adsorpsjon, kan evna til å oppta gass auke med temperaturen, og gassen vert ikkje avgjeve att sjølv ved særs låge temperaturar. Dei fleste metalla vil oppta større eller mindre gassmengder ved okklusjon.
Kjelder
[endre | endre wikiteksten]- Okklusjon: fysikk. (2009, 14. februar). I Store norske leksikon. Henta 2. november 2013 frå http://snl.no/okklusjon/fysikk.