Romeriksbreen

Frå Wikipedia – det frie oppslagsverket
Hopp til navigering Hopp til søk

Romeriksbreen er namnet på ein del av innlandsisen som under avsmeltingstida etter den siste istida (for ca. 9000 år sidan) låg over Romerike. Han trekte seg tilbake i rykk, eller trinn, og i kvart av desse vart det like føre isen avsett store breelvterrassar og delta. Grus og grov sand vart avsett nærast isfronten, finare sand og leire lenger vekk. På sandområda (moane) med furuskog er det i dag mange grustak. Leirområda dannar det beste landbruksarealet i flatbygdene på Romerike.

Trinna kallast, frå sør til nord, Bergertrinnet, Jessheimtrinnet, Hauersetertrinnet, Daltrinnet og Minnesundtrinnet. Særleg ved Hauerseter- og Daltrinnet er det mange grytehol som utgjer eit karakteristisk trekk i landskapet. Dei fleste israndavsetningane vart avsett i havet som dengong stod ca 205 m høgare enn no.

Kjelder[endre | endre wikiteksten]