Rotatorkappe

Frå Wikipedia – det frie oppslagsverket
Gå til: navigering, søk
Musklane på ryggsida av skulderbladet og triceps brachii

Rotatorkappa (også kalla rotatormansjetten eller rotatorcuffen) er ei gruppe musklar og sener som bidreg til å stabilisere skuldra.[1][2] Dei fire musklane i rotatorkappa er supraspinatusmuskelen, infraspinatusmuskelen, den vesle runde akselmuskelen og subskapularismuskelen.[1][2] Desse utgjer meir enn halvparten av dei sju musklane i skulderbladet og overarmen. Musklane i kappa er viktige for skulderrørsle og for å istandhalde stabiliteten til glenohumeralleddet (skulderleddet). Musklane har utspring i skulderbladet og har feste i humerushovudet (caput humeri), og former dimed ei kappe over skulderleddet.

Sener i utkanten av musklane kan rivne (rotatormansjettruptur) som følgje av slitasje og føre til smerte og nedsatt rørsleevne.[1] Det er oftast supraspinatussenen under skulderhøgda som blir råka av denne typen skade.

Sjå òg[endre | endre wikiteksten]

Kjelder[endre | endre wikiteksten]

  1. 1,0 1,1 1,2 «Rotatorkappen, skade». Norsk Helseinformatikk (nhi.no). Norsk Helseinformatikk AS. 30. november 2015. http://nhi.no/pasienthandboka/sykdommer/muskel-skjelett/rotatorkappen-skade-14047.html. Henta 26. oktober 2016. 
  2. 2,0 2,1 Holck, Per (6. februar 2015). «rotatormansjett». Store medisinske leksikon. Store norske leksikon. https://sml.snl.no/rotatormansjett. Henta 26. oktober 2016. 
Spire Denne anatomiartikkelen er ei spire. Du kan hjelpe Nynorsk Wikipedia gjennom å utvide han.