Tema:Historie/Intro

Historie er studiet av fortida, hovudsakleg den menneskelege historia som er basert på skriftlege kjelder. Omgrepet omfattar òg studiet av tida før skriftlege kjelder, naturvitskaplege og arkeologiske funn frå fortida.

Den som fortel historie har sine føresetnader, sine holdningar og verdiar, og han eller ho gjer sine utval av tema, problemstillingar og hypotesar på grunnlag av desse og av eit utval av tilgjengelege kjelder. Alle historieframstillingar må derfor sjåast som ei av fleire moglege forteljingar om fortida.