Tommy Jackson
| Tommy Jackson | |||
| Fødd | 31. mars 1926 | ||
|---|---|---|---|
| Fødestad | Birmingham i Alabama i USA | ||
| Død | 9. desember 1979 (53 år) | ||
| Dødsstad | Nashville i Tennessee i USA | ||
| Fødenamn | Thomas Lee Jackson Jr. | ||
| Opphav | USA | ||
| Aktiv | Frå 1930- til 1970-åra. | ||
| Sjanger | Country | ||
| Instrument | Fele | ||
| Plateselskap | Mercury Records | ||
| Verka som | felespelar | ||
Thomas Lee «Tommy» Jackson jr. (31. mars 1926–9. desember 1979) var ein USA-amerikansk felespelar og vert rekna som ein av dei beste felespelarane gjennom tidene.[1] Han spelte på hundrevis av countryplater frå 1940- til 1970-åra, og det er blitt sagt at han «truleg er å høyre på fleire countryplater enn nokon annan musikar».[2]
Alt som barn spelte han fele med Johnnie Wright og Kitty Wells, og spelte som tenåring med Curley Williams og Paul Howard på Grand Ole Opry, før han var haleskyttar i Army Air Corps i andre verdskrigen.[1][2][3]
Attende i det sivile i 1946, turnerte han med Whitey Ford og andre før han vart med i orkesteret til Red Foley på The Opry. Han byrja òg å spele som studiomusikar, stundom i lag med ei gruppe som bestod av Jerry Byrd, Louis Innis og Zeke Turner, og vart kjend som det første Nashville studio A-team.[4] Jackson spelte på mange av Hank Williams sine klassiske innspelingar frå seint i 1940-åra, inkludert «Lovesick Blues».[2]
I 1950-åra spelte han med Webb Pierce, Faron Young, Ray Price og i 1960-åra med artistar som George Jones og Bill Monroe,[4] då han vart ein av dei mest etterspurde studiomusikarane i Nashville.[3]
Kjelder
[endre | endre wikiteksten]- Denne artikkelen bygger på «Tommy Jackson (musician)» frå Wikipedia på engelsk, den 18. oktober 2018.
- Wikipedia på engelsk oppgav desse kjeldene:
- ↑ 1,0 1,1 Stubbs, Eddie (2012). «Tommy Jackson». I Paul Kingsbury. The Encyclopedia of Country Music. Oxford University Press. s. 243–244. ISBN 978-0-199-92083-9.
- ↑ 2,0 2,1 2,2 Charles Wolfe, «Tommy Jackson – King of the 50’s Fiddlers», Native Ground. Henta 18. oktober 2018
- ↑ 3,0 3,1 Biography by Bruce Eder, Allmusic.com. Henta 18. oktober 2018
- ↑ 4,0 4,1 Tommy Jackson, FindaGrave.com. Henta 18. oktober 2018