Hank Williams

Frå Wikipedia – det frie oppslagsverket
Hopp til navigering Hopp til søk
Hank Williams
Hank Williams Promotional Photo.jpg
Fødd 17. september 1923
Mount Olive
Død

1. januar 1953 (29 år)
Oak Hill

Yrke singer-songwriter, songar, gateartist, countrymusikar, jodlar, gitarist, plateartist, komponist
Hank Williams på Commons

Hank Williams (fødd 17. september 1923 i Alabama, død 1. januar 1953 i Vest-Virginia) var ein amerikansk countrymusikar og låtskrivar.[1] Mellom dei mest kjende songane hans er «Hey, Good Lookin'», «Jambalaya (On the Bayou)» og «You Win Again». Han har fått ei stjerne på Hollywood Walk of Fame.

Barndom[endre | endre wikiteksten]

Williams vart fødd i Georgiana, Alabama i 1923. Foreldra var Elonzo Williams og Jessie Lillybelle. Han hadde ein udiagnostisert fødselssjukdom spina bifida occulta som ga smerter heile livet.[treng kjelde] Denne sjukdommen vart ein faktor i alkohol- og narkotikamisbruket hans.[treng kjelde]

Williams lærte seg å spele gitar av bluessongaren Rufus Payne. Han stod på scena allereie som tenåring og starat eit band som kalte seg for «Drifting Cowboys». Han forlet skulen utan å fullføre. I 1941 begynte Williams å jobbe for et lokalt radioselskap som het WSFA.

Williams var kalla opp etter Hiram I, men på fødselsattesten var namnet stava feil. Førenamnet var endra til «Hiriam».[treng kjelde]

Ekteskap og kommersiell suksess[endre | endre wikiteksten]

I 1943 møtte Williams Audrey Sheppard, som han gifta seg med etter nokre få år. Audrey vart også manager for han då karrieren tok av og han vart ein lokal kjendis. I 1946 spelte Williams inn to singleplater for Sterling Records, «Never Again» og «Honky Tonkin'», som ga stor suksess.[treng kjelde] Det tok ikke lang tid før Williams signerte med MGM Records og ga ut «Move It On Over», som vart ein stor countryhit.[treng kjelde]

Williams vart med i Louisiana Hayride, som hadde sendingar i Shreveport i Louisiana. Etter fleire moderate hits ga Williams ut sin eigen versjon av Rex Griffins «Lovesick Blues» i 1949 og same år sang Williams denne songen på Grand Ole Opry. Han hadde med seg Bob Mcnett på gitar, Hillous Butrum på bassgitar, Jerry Rivers på fele og Don Helms på steelgitar. Han starta også på «Drifting Cowboys» i 1949. Dette året fekk ekteparet Williams ein son som dei døypte Randall Hank Williams. I 1949 ga han også ut sju hits etter «Lovesick Blues», mellom andre «Wedding Bells», «Mind Your Own Business», «You’re Gonna Change» og «My Bucket’s Got a Hole in It».

I 1950 byrja Williams å spele inn songar som Luke the Drifter, eit namn som vart gitt til Williams for å bruke i meir religiøse og moralistiske songar.[treng kjelde] Av frykt for at Dj-er og Jukebox-operatørar ikkje skulle akseptere denne nye stilen frå Williams, og at det skulle skade Williams-namnet, vart namnet etter kvart kutta ut.[treng kjelde] Williams ga ut fleire songar som «My Son Calls Another Man Daddy», «They’ll Never Take Her Love from Me», «Why should We Try Anymore?», «Nobody’s Lonesome for Me», «Long Gone Lonesome Blues», «Why Don’t You Love Me?», «Monain the Blues» og «I Just Don’t Like This Kind of Livin'». I 1951 utkom «Dear John», som vart ein hit, men på B-sida. «Cold, Cold Heart» kom ut i 1951 og var den første av mange songar utafor countrygenren frå Williams.

Gospelsongar[endre | endre wikiteksten]

Williams var og einstor bidragsytar til amerikansk gospelmusikk, både ved songar han skreiv sjølv og songar han spelte inn. Mest kjend er kanskje «I saw the Light», som vart slept på plate i 1948. Den har seinare vorte spelt inn av ei rad artistar, m.a. Johnny Cash og Willie Nelson.

Songaren Sondre Bratland har og sunge songen, som heiter «No ser eg ljos» i norsk versjon.

Andre kjende gospelsongar frå Hank Williams er «Calling You», «Jesus Remembered Me», «When God comes and Gathers His Jewels» og «How can you refuse Him now».

Død av overdose[endre | endre wikiteksten]

Williams førte eit turbulent liv med alkohol og narkotika. Han hadde problem med ryggen store deler av livet, og dette kan ha vore ein av årsakane til at han byrja med alkohol og smertestillande medikament. Nyttårshelga 1952–3 vart Williams hyrt inn på to spelejobbar, ein i Charleston i Vest-Virginia, og den andre i Canton i Ohio. Vêret var så dårleg at han ikkje kunne reise med fly. Han leigde ein Cadillac og fekk 17–åringen Charles Carr til å vere sjåfør. På vegen stoppa die på eit motell i Knoxville der Williams vart dårleg og fekk to dosar morfin. Ein dryg time før midnatt sette Charles Carr kursen mot Canton. På ein trafikkontroll bemerka konstabelen at han syntes personen i baksetet såg død ut, men Carr sa det kom av smertestillande medisinar. Seinare fann Carr ut at Williams var død. Dødsårsaka var eit hjarteinfarkt etter overdose med alkohol og narkotika.[treng kjelde] Nokre månader før hadde han skilt seg frå Audrey og gifta seg med Billy Jean Jones, og like etter at han døde vart Hank si dotter Jett Williams fødd.

Singlelåtar[endre | endre wikiteksten]

  • 1947 «Never Again (Will I Knock on Your Door)» «Calling You»
  • 1947 «Wealth Won't Save Your Soul» — «When God Comes and Gathers His Jewels»
  • 1947 «My Love for You (Has Turned to Hate)» — «I Don't Care (If Tomorrow Never Comes)»
  • 1947 «Pan American» — «Honky Tonkin'»
  • 1947 «Move It On Over» #4 «I Heard You Crying in Your Sleep»
  • 1947 «On the Banks of the Old Pontchartrain» — «Fly Trouble»
  • 1948 «My Sweet Love Ain't Around» — «Rootie Tootie»
  • 1948 «Honky Tonkin'» #14 «I'll Be a Bachelor 'Til I Die»
  • 1948 «I'm a Long Gone Daddy» #6 «The Blues Come Around»
  • 1948 «I Saw the Light» — «Six More Miles (To the graveyard)»
  • 1948 «A Mansion on the Hill» — «I Can't Get You Off of My Mind»
  • 1949 «Lovesick Blues» #1 «Never Again (Will I Knock on Your Door)»
  • 1949 «Never Again (Will I Knock on Your Door)» #6 b-side of «Lovesick Blues»
  • 1949 «Wedding Bells» #5 «I've Just Told Mama Goodbye»
  • 1949 «Mind Your Own Business» #5 «There'll Be No Teardrops Tonight»
  • 1949 «You're Gonna Change (Or I'm Gonna Leave)» #4 «Lost Highway»
  • 1949 «I'm So Lonesome I Could Cry» #1 «My Bucket's Got a Hole In It»
  • 1949 «My Bucket's Got a Hole In It» #2 b-side to «I'm So Lonesome I Could Cry»
  • 1950 «I Just Don't Like This Kind of Living» #5 «May You Never Be Alone»
  • 1950 «Long Gone Lonesome Blues» #1 «My Son Calls Another Man Daddy»
  • 1950 «My Son Calls Another Man Daddy» #9 b-side to «Long Gone Lonesome Blues»
  • 1950 «Why Don't You Love Me?» #1 «A House Without Love»
  • 1950 «Why Should We Try Anymore?» #9 «They'll Never Take Her Love from Me»
  • 1950 «They'll Never Take Her Love from Me» #4 b-side to «Why Should We Try Anymore?»
  • 1950 «Moanin' the Blues» #1 «Nobody's Lonesome for Me»
  • 1950 «Nobody's Lonesome for Me» #9 b-side to «Moanin' the Blues»
  • 1951 «Cold, Cold Heart» #1 «Dear John»
  • 1951 «Dear John» #6 b-side to «Cold, Cold Heart»
  • 1951 «I Can't Help It (If I'm Still in Love with You)» #2 «Howlin' at the Moon»
  • 1951 «Howlin' at the Moon» #3 b-side to «I Can't Help It»
  • 1951 «Hey Good Lookin'» #1 «My Heart Would Know»
  • 1951 «(I Heard That) Lonesome Whistle» #9 «Crazy Heart»
  • 1951 «Crazy Heart» #2 b-side to «Lonesome Whistle»
  • 1951 «Baby, We're Really in Love» #4 «I'd Still Want You»
  • 1952 «Honky Tonk Blues» #2 «I'm Sorry for You, My Friend»
  • 1952 «Half as Much» #2 «Let's Turn Back the Years»
  • 1952 «Jambalaya (On the Bayou)» #1 «Window Shopping»
  • 1952 «Settin' the Woods on Fire» #3 «You Win Again»
  • 1952 «You Win Again» #7 b-side of «Settin' the Woods on Fire»
  • 1952 «I'll Never Get Out of This World Alive» #1 «I Could Never Be Ashamed of You»
  • 1953 «Kaw-Liga» #1 «Your Cheatin' Heart»
  • 1953 «Your Cheatin' Heart» #1 b-side to «Kaw-Liga»
  • 1953 «I Won't Be Home No More» #4 «Take These Chains from My Heart»
  • 1953 «Take These Chains from My Heart» #1 b-side to «I Won't Be Home No More»
  • 1953 «Weary Blues from Waitin'» #7 no b-side
  • 1955 «Please Don't Let Me Love You» #9 no b-side
  • 1966 «I'm So Lonesome I Could Cry» #43 re-release
  • 1976 «Why Don't You Love Me» #61 re-release
  • 1989 «There's a Tear in My Beer» #7 dubbed recording with Hank Williams, Jr.

Kjelder[endre | endre wikiteksten]

  1. Sputnik music: Hank Williams