Tore Pedersen

Frå Wikipedia – det frie oppslagsverket
Hopp til navigering Hopp til søk
For fotballspelaren i RBK i 1960-åra, sjå Tore Pedersen (1941-1998).
Tore Pedersen
Fødd 29. september 1969
Fredrikstad
Yrke fotballspelar, idrettsagent

Tore André Pedersen (fødd 29. september 1969 i Fredrikstad) er ein tidlegare norsk fotballspelar. Pedersen har spela på høgt nivå for ni forskjellige klubbar i fem land. Han var også fast på landslaget på første halvdel av 1990-talet, og spela i alt 45 A-landskampar. Klubbane han har spela for, er: Selbak, Fredrikstad (to periodar), IFK Göteborg, Brann, Oldham (utlån), Sanfrecce Hiroshima, FC St. Pauli, Blackburn, Eintracht Frankfurt, Wimbledon og Trosvik.

Karriere[endre | endre wikiteksten]

Pedersen spela 10 kampar på utlån til Oldham i 1993/94. Han gjekk frå SK Brann til FC St. Pauli i 1995. Kontrakten med St. Pauli gjekk ut 30. juni 1997 (p.g.a. nedrykk til 2. bundesliga). Dermed var Pedersen fri til å gå kvar han ville, sjølv om klubben ville behalda han. Han var på prøvespel i Bolton Wanderers, Blackburn og West Ham United, men valde Blackburn Rovers for £750,000. Han skulle overta etter Henning Berg då han blei seld til Manchester United.

Pedersen var mykje plaga av skadar i karrieren sin. Han spela på alle Noregs VM-kvalifiseringskampar til USA-VM i 1994, men pådrog seg ein krossbandskade kort tid før sluttspelet og måtte difor bli heime. Også medan han var i Wimbledon i 1999 pådrog han seg ein alvorleg kneskade, og tilbrakte halvtanna år på sidelinja.

Det var venta at han kom til å leggja opp på grunn av denne kneskaden, men han kom tilbake på fotballbanen i 2001 – først for 4. divisjonsklubben Trosvik, og returnerte sesongen etter til Fredrikstad, som han hjelpte til to strake opprykk og ein etterlengta retur til Tippeligaen. Etter dette spela Pedersen ein sesong i sin eigen ungdomsklubb, Selbak, og deretter for Oslo Diamantene.

Kniksenprisen[endre | endre wikiteksten]

Kjelder[endre | endre wikiteksten]