Tsjusovaja

	Tsjusovaja
	elv
	Bilete frå rundt 1910. Maksimovskijklippa.
Land	Russland
Nedslagsfelt	23 000 km²
Lengd	592 km
Middelvassføring	222 m³/s
Kjelde	Det sentrale Ural
Munning	Kamareservoaret
	; Tsjusovaja; 56°09′06″N 60°20′21″E / 56.1517°N 60.3392°E
	Wikimedia Commons: Chusovaya River

Tsjusovaja (russisk Чусовая) er ei elv i Perm kraj i Russland og ei av sideelvane til Kama frå venstre i nedslagsfeltet til Volga.

Elva er 592 km lang med eit nedslagsfelt på 23 000 km². Ho munnar ut i Tsjusovojbukta i Kamareservoaret. Ho frys vanlegvis til i november og er islagd til vårløysinga i april–mai. Vårflaumen varer vanlegvis til midten av juni.

Dei viktigaste sideelvane er Mezjevaja Utka, Serebrjanka, Kojva, Usva, Revda og Lysva. Ei anna interessant sideelv er Kumysj, som renn rundt 6 km under jorda. Staden der ho forsvinn heiter Nyrok (russisk нырок, som tyder 'dukk') av dei lokale innbyggjarane, medan staden der han dukker opp att heiter Bynyrok (russisk вынырок, som tyder 'kjem til overflata').^[1]

Tsjusovaja er mykje nytta til vassforsyning og forsyner mellom anna Jekaterinburg. Elvehamner ved Tsjusovaja er Perm og Tsjusovoj

Tsjusovaja er kjend for dei store klippene langs elvebreidda. Nokre av klippene var farlege for båttrafikken under vårflaumen og vart kalla Bojtsy (russisk: бойцы, som tyder «krigarar»). Mange av dei største klippene langs elva har namn.

Kjelder

Denne artikkelen bygger på «Tsjusovaja» frå Wikipedia på bokmål, den 17. oktober 2008.

Fotnotar

↑ Есть многое на свете, друг Горацио^{[daud lenkje]}

[1] Есть многое на свете, друг Горацио^{[daud lenkje]}

[1]