Tweed
- Denne artikkelen handlar om stoffet. For elva, sjå Tweed i Skottland. For andre tydingar, sjå tweed (fleirtyding).
Tweed (uttalt twi:d) er ein type grovt ullstoff som opphavleg var eit skotsk husflidprodukt. I dag viser omgrepet til vevnadar av grovspunne kardegarn som er melert eller einsfarga i enkle bindings- og fargemønster.[1] Stoffet er særleg knytt til Sør-Skottland, og blei opphavleg laga av eitt garn som hadde to eller fleire fargar.[2] Ordet «tweed» oppstod truleg som ei feillesing av tweel, det skotske ordet for tvill (eller ei forkorta form av tweeled), hjelpt av namnet til elva Tweed i Skottland.[2]
Tweed er særleg knytt til britiske klede frå edvardiansk tid (byrjinga av 1900-talet). Dei blei brukte av eliten og seinare av middelklassen til friluftsaktivitetar som jakt, golf, sykling og bilkøyring. I tillegg til i jakker, vestar og bukser (som nikkers) er tweed eit vanleg stoff for sikspensluer. Stoffet har hatt oppsving i bruken på 1960-talet og på 2000-talet.
Kjelder[endre | endre wikiteksten]
- ↑ «Tweed», Store norske leksikon, 15. februar 2009
- ↑ 2,0 2,1 «tweed, n.», OED Online, Oxford University Press, mars 2016
- Delar av denne artikkelen bygger på «Tweed (cloth)» frå Wikipedia på engelsk, den 8. mai 2016.
