Urumea

Frå Wikipedia – det frie oppslagsverket
Hopp til navigering Hopp til søk
Urumea
elv
Maria Kristina zubia Donostia.JPG
Urumea i San Sebastian
Land Flag of Spain.svg Spania
Nedslagsfelt 279 km²
Lengd 59,4 km
Middelvassføring 13,63 /s
Kjelde Dei baskiske fjella
 - høgd 1 136 moh.
Munning Biscayabukta
Wikimedia Commons: Urumea River

Urumea er ei elv i regionen Baskarland nord i Spania. Ho er ei av fleire relativt korte baskiske elvar som munnar ut Biscayabukta og er mest kjend for å renne gjennom byen San Sebastian. Ho er 59,4 km lang frå kjelda i kommunen Goizueta. Middeltemperaturen hennar er 13,5 °C og vassføringa varierer gjennom året, men er mindre enn andre elvar i Gipuzkoa.

Den nedre delen av elva har breie, flate breidder som høver godt for jordbruk og urban utvikling. Dette har ført til at det meste av nedslagsfeltet hennar er busett i Gipuzkoa, og inneheld over 200 000 innbyggjarar. Dei største byane ved elva er Hernani, Astigarraga og Donostia.

Vasskvaliteten i elva er forholdsvis god, trass i at kvaliteten vert noko dårlegare nær munningen ved byen Donostia. I seinare tid har styresmaktene gjort forsøk på å reinse vatnet, og resultatet har vorte særs bra. Derfor er fiskelivet i elva stabilt og inneheld i dag fem artar, laks, aure, ezkailu (Phoxinus phoxinus), smerling og ål.

Kjelder[endre | endre wikiteksten]

Koordinatar: 43°19′34″N 1°58′56″W