Vittore Carpaccio
| Vittore Carpaccio | |
 | |
| Statsborgarskap | Republikken Venezia |
| Fødd | 1465 Venezia |
| Død |
1526, 1520-åra |
| Yrke | kunstmålar, teiknar |
| Sjanger | portrett |
| Born | Benedetto Carpaccio |
| Vittore Carpaccio på Commons | |
Vittore Carpaccio var ein venetiansk målar under renessansen. Han var fødd kringom 1455 på uviss stad, og døydde 1526 i Capodistria i dagens Slovenia.
Liv og gjerning
[endre | endre wikiteksten]Carpaccio arbeidde i Venezia, i det minste frå 1478 til 1522. Han var truleg lærling av Lazzaro Bastiani, men som historiemålar var Gentile Bellini hans fremste førebilete. Slektskapen med Bellini kjem sterkast til syne i Carpaccios praktfulle bybilete, samt i komposisjon og koloritt.
Draumen til den heilage Ursula er meisterverket mellom dei fire biletsyklusane av Carpaccio som framleis finst. Også dei andre syklusane; Scener frå livet til helgenane Georg og Hieronymus, Scener or Marias liv og den om Stefanuslegenda er prov på Carpaccios glitrande målarkunst. Han evna på sjeldant vis å sameine det reint saklege med ein fløymande fantasi.
I arbeidet med topografien var Carpaccio grundigare enn alle dei andre italienske renessansemålarane. Eksteriør og interiør vert skildra fargerikt og i detalj, og gjennom varleg bruk av lys går dei noggranne detaljane opp i ein einskapleg eleganse. Som kunstnar la han meir vekt på dekorativ verknad enn på det forteljande momentet.
Måleri
[endre | endre wikiteksten]
To venetianske adelskvinner på ein balkong, 1500/05
Madonna (1505 -1510)
Ein riddar (1510)
Apostel Paulus (1520)
Kjelder
[endre | endre wikiteksten]- Aschehougs kunsthistorie. Bind 4 Kunstleksikon
- Denne artikkelen bygger på «Vittore Carpaccio» frå Wikipedia på tysk, den 4. april 2012.
