Winslow i Buckinghamshire
| Winslow | |||
| by | |||
 | |||
| Land |  England | ||
|---|---|---|---|
| Region | Buckinghamshire | ||
| Distrikt | Aylesbury Vale | ||
| Folketal | 4 407 (2011)[1] | ||
| Postnummer | MK18 | ||
| Retningsnummer | 01296 | ||
 Winslow i Buckinghamshire 51°56′25″N 0°53′13″W / 51.940277777778°N 0.88694444444444°W | |||
| Wikimedia Commons: Winslow, Buckinghamshire | |||
Winslow er ein marknadsby i Buckinghamshire i England. Han har vakse i nyare tid, men har halde mykje av det landlege preget sitt.
Historie
[endre | endre wikiteksten]Byen blir først nemnt i Den angelsaksiske krønika i år 795. Han blir kalla der Wineshlauu, som tyder «Wines haug». I Domesday Book (1086) kallast han Weneslai.
Winslow Hall ligg i byen, og blir rekna av mange som ein av dei finaste bygningane i grevskapet. Ein meiner han vart teikna av sir Christopher Wren omkring 1700, mot slutten av livet hans. Han er mindre enn fleire andre herregardar i området, men har ei utforming som skil han frå mengda.
Soknekyrkja er vigd til St. Laurentius.
Byen hadde tidlegare ein jernbanestasjon, Winslow stasjon, på den såkalla «Varsity Line» mellom Oxford og Cambridge. Sporet ligg der enno, og det er eit lokalt ynskje om å få opna ei linje som gjer det lettare å pendle til andre byar som Milton Keynes, Aylesbury og Oxford.
Tradisjon
[endre | endre wikiteksten]Revehundane som deltek i Whaddon Chase har tradisjonelt vorte samla på torget i Winslow kvar andre juledag. Dette er ein stor fest i byen, som vanlegvis trekkjer meir enn tusen deltakarar. I 2003 vart det så mange at ein måtte halde arrangementet føre Winslow Hall i staden; den store folkemengda skuldast truleg tildels at det gjekk mot eit forbod mot revejakt.
Kjelder
[endre | endre wikiteksten]- ↑ «Key Statistics»; utgjevar: Office for National Statistics; avsnitt, vers eller paragraf: Table KS101EW (Usual resident population) and Table KS105EW (Household composition); vitjingsdato: 23. juni 2025.
- Denne artikkelen bygger på «Winslow (Buckinghamshire)» frå Wikipedia på bokmål, den 14. juli 2011.
