Årviksand
Årviksand er den nest største bygda på Arnøya i Skjervøy kommune, med 88 innbyggjarar i 2025 (kilde: SSB). Bygda ligg ved Årvikbukta i Lopphavet, med utsikt til Fugløya. Årviksand er i dag den nordlegaste busette staden på øya, ved enden av Fylkesveg 347. I Årviksand er det postkontor, butikk, barneskule og barnehage.
Under andre verdskrigen skjulte norske og sovjetiske partisanar seg for nazistane i ei hola i Rotvåg, eit stykke nord for Årviksand. Her observerte dei båttrafikken i området, og rapporterte både til London og Moskva. Då dei hadde lege der i nokre månader, vart dei oppgjevne til nazistane av lokale informantar, og nokre av dei vart drepne. Det er sett opp eit minnesmerke for dei avlidne partisanane midt i bygda.[1]
Av næringsverksemd er fiskebruket Årvikbruket det viktigaste. Bruket har 13 fast tilsette, og hadde i 2008 ein omsetnad på 26 548 000.[2] Her vert det produsert saltfisk, tørrfisk og klippfisk. Årviksand Verksted er ein bilverkstad med fem tilsette.
Kjelder
[endre | endre wikiteksten]- Fotnotar
- ↑ Siw Haugnes, arkivert frå originalen 2014-11-29, henta 2010-08-03
{{citation}}: Invalid|url-status=yes(hjelp) - ↑ Bedriftsdatabasen[daud lenkje]
 | Denne geografiartikkelen som har med Troms å gjere, er ei spire. Du kan hjelpe Nynorsk Wikipedia gjennom å utvide han. |