Île des Pingouins

Frå Wikipedia – det frie oppslagsverket
Gå til: navigering, søk
Koordinatar: 46°25′S 50°24′E
Île des Pingouins
øy
none  Teikning av øya frå 1874 av dr. Ladislaus Weinek.
Teikning av øya frå 1874 av dr. Ladislaus Weinek.
Land Flag of France.svg Frankrike
Øygruppe Crozetøyane
Stad Det sørlege Indiahavet
 - koordinatar 46°25′S 50°24′E
Høgaste punkt Mont des Manchots
 - høgd 340 moh
Lengd km
Areal km²
Folketal Ingen
Kart over øya
Kart over øya

Île des Pingouins (Pingvinøya) er ei aude øy i dei subantarktiske Crozetøyane sør i Indiahavet. Med eit areal på berre 3 km² er ho ei av dei minste øyane i gruppa. Administrativt høyrer øya til Dei franske sørterritoria. Ho er ein viktig hekkestad for sjøfuglar.

Skildring[endre | endre wikiteksten]

Île des Pingouins ligg vest i øygruppa der ho er den sørlegaste øya, kring 30 km søraust for Île aux Cochons og 95 km vest-sørvest for Île de la Possession. Ho er lita og mykje erodert av sjøen, med bratte sider. Ho er 4 km lang og 1 km brei. Dei omliggande kystklippene er frå 50 m til 300 m høge og er i røynda umogeleg å nå frå sjøen og sjeldan vitja. Ho har ingen innførte dyreartar og har eit heller urørt plante- og dyreliv samanlikna med dei andre øyane i øygruppa.[1]

Viktig fugleområde[endre | endre wikiteksten]

Minst 29 fugleartar hekkar på øya, som av BirdLife International har fått status som viktig fugleområde (IBA). Ho har særs høg tettleik av sjøfuglar, inkludert ein million par gulltoppingvinar, 300 par svartbrynalbatrossar, fire par sølvhovudalbatrossar (som er den einaste hekkstaden deira i Indiahavet) og 30 par gråalbatrossar, samt fleire tusen par med marionkvalfugl og kvithakepetrell. Andre fuglar som hekkar i forholdsvis store tal er mellom andre vandrealbatross, sotalbatross, gråhovudalbatross og indisk gulnebbalbatross, nordkjempepetrell, blåpetrell og kergulenpetrell og smalnebbdukkpetrell. I mindre grad finn ein òg kerguelenterne og blåaugd skrav.[1]

Sjå òg[endre | endre wikiteksten]

Kjelder[endre | endre wikiteksten]

  1. 1,0 1,1 BirdLife International. (2012). Important Bird Areas factsheet: Île des Pingouins. Downloaded from http://www.birdlife.org on 17. oktober 2012.