Blåpetrell

Frå Wikipedia – det frie oppslagsverket
Hopp til navigering Hopp til søk
Blåpetrell

Status i verda: LC Livskraftig

Blåpetrell under ringmerking Foto: Bruno Navez
Blåpetrell under ringmerking
Foto: Bruno Navez
Systematikk
Klasse: Aves
Orden: Procellariiformes
Familie: Procellariidae
Slekt: Halobaena
Art: H. caerulea
Vitskapleg namn
Halobaena caerulea
J. F. Gmelin, 1789

Blåpetrell, Halobaena caerulea, er ein liten petrell i stormfuglfamilien som lever pelagisk, sirkumpolart i Sørishavet, nær Antarktis. Blåpetrell er monotypisk i slekta Halobaena, og er ofte sett på som nærskyld kvalfuglar som dei liknar mykje.

Blåpetrellen har blågrå overside samt lys eller kvit underside. I flukt er ein mørk 'M'-forma figur over venger og rygg synleg, typisk for kvalfuglar. Til forskjell frå kvalfuglar har blåpetrell eit smalt, kvitt haleband, og nebbet er kort. Han er litt større enn kvalfuglane, ca. 29 cm i kroppslengd og 200 gram i masse.[1]

Dei plukkar føda frå havoverflata, først og fremst krepsdyr, blekksprut og småfisk. Dei kan følgje skip og samle seg ved kvalar som beitar.[1]

Blåpetrellar hekkar på sub-antarktiske øyar i Indiahavet, Macquarie-øya (Australia) og Sør-Georgia.[2] Utanom hekkesesongen spreier dei seg i Sørishavet, mellom pakkisen og ca. 40° S.[1]

Verdspopulasjonen var estimert til minst 3 millionar individ i 2004, og er stabil.[2]

Kjelder[endre | endre wikiteksten]

  • Barrie Heather og Hugh Robertson, The Field Guide to the Birds of New Zealand (revised edition), Viking, 2005
  • BirdLife International (2012) Species factsheet: Halobaena caerulea. Henta frå http://www.birdlife.org den 19. juni 2012.
  • Referansar[endre | endre wikiteksten]

    1. 1,0 1,1 1,2 Heather og Robertson, 2005
    2. 2,0 2,1 BirdLife International 2012

    Bakgrunnsstoff[endre | endre wikiteksten]