Aleksander Kilde

Aleksander Kilde
Statsborgarskap	Noreg
Fødd	21. september 1992 (33 år) Bærum kommune
Idrett	alpint
Tok del i	Alpint under Vinter-OL 2014 – Utfor menn, Alpint under Vinter-OL 2014 – Super-G menn, Alpint under Vinter-OL 2014 – Kombinasjon menn, Alpint under Vinter-OL 2018 – Storslalåm menn, Alpint under Vinter-OL 2018 – Utfor menn, Alpint under Vinter-OL 2018 – Super-G menn, Alpint under Vinter-OL 2018 – Kombinasjon menn, Alpint under Vinter-OL 2022 – Utfor menn, Alpint under Vinter-OL 2022 – Super-G menn, Alpint under Vinter-OL 2022 – Kombinasjon menn

Aleksander Aamodt Kilde (fødd 21. september 1992) er ein norsk alpin skirennar frå Bærum som vann verdscupen i alpine greiner 2020. Han er medlem i Lommedalens IL.

Karriere

Kilde sigra vinteren 2016 i to renn i verdscupen i alpine greiner, det fyrste i eit utforrenn og det andre i super-G. Med fleire gode plasseringar i super-g-tevlingane vann han super-g-cupen og han enda på sjuandeplassen i kampen om fyrstepremien i verdscupturneringa. I 2020-sesongen presterte Kilde jamt godt både i yndlingsøvinga super-g, utfortevlinga og storslalåmrenn, nok til å vinne ein knipen siger i verdscupen framom franske Alexis Pintureault og med sin eigen landsmann Henrik Kristoffersen på tredjeplass.

Kilde har pr 2020 delteke i to olympiske vinterleikar og tre verdsmeisterskap, utan å kome på medaljeplass. Under verdsmeisterskapen i alpine greiner 2017 vart Kilde nummer fire både i super-g og i kombinasjonstevlinga, dessutan vart han sjettemann i utforrennet.

Verdscupsigrar i enkeltrenn

Dato	Stad	Land	Øving
30. januar 2016	Garmisch-Partenkirchen	Tyskland	Utfor
27. februar 2016	Hinterstoder	Austerrike	Super-G
15. desember 2018	Gherdëina	Italia	Utfor
14. februar 2020	Saalbach-Hinterglemm	Austerrike	Super-G

Kjelder

• Denne artikkelen bygger på «Aleksander Aamodt Kilde» frå Wikipedia på tysk, den 13. mars 2020.

Bakgrunnsstoff

• «Aleksander Aamodt Kilde». olympedia.org. Henta 23. januar 2023.