Amanda Seyfried

Frå Wikipedia – det frie oppslagsverket
Amanda Seyfried
Amanda Seyfried (2019).jpg
Fødd 3. desember 1985 (37 år)
Allentown
Yrke skodespelar, songar, fjernsynsskodespelar, filmskodespelar, songar og låtskrivar, modell, komponist, stemmeskodespelar
Amanda Seyfried på Commons

Amanda Seyfried (fødd 3. desember 1985) er ein skodespelar, sopransongar og modell frå Allentown i Pennsylvania i USA.

Amanda Seyfried begynte å jobba som modell allereie som 11-åring, men slutta med det året ho fylte 17. Medan ho framleis var i tenåra tok ho songtimar og studerte opera. Den fyrste skodespelarjobben hennar var ei rolle i såpeserien As the World Turns 1999-2001, som då hadde gått samanhengande på amerikansk fjernsyn sidan 1956. Den fyrste filmrolla hennar var Lindsay Lohan-filmen Mean Girls (2004).

I 2008 fekk ho rolla som Sophie i ABBA-musikalfilmen Mamma Mia!, der ho song fleire ABBA-klassikarar for filmlerretet. Filmen hjelpte henne å bryta gjennom internasjonalt som skodespelar. Ho har seinare spelt hovudrolla i filmane Jennifer's Body (2009), Chloe (2009), Dear John (2010), Letters to Juliet (2010), In Time, samt Raudhette-filmen Red Riding Hood (2011).

I 2012 spela ho Cosette i Tom Hoopers filmatisering av musikalen Les Misérables, med m.a. Hugh Jackman, Anne Hathaway og Eddie Redmayne. Same året spela ho hovudrolla i Gone og året etter i Lovelace.

Kjelder[endre | endre wikiteksten]