Amy Winehouse

Amy Winehouse
Amy Winehouse
Fødd	14. september 1983
Fødestad	Southgate, London
Død	23. juli 2011 (27 år)
Dødsstad	London Borough of Camden, London
Fødenamn	Amy Jade Winehouse
Opphav	England
Aktiv	2003-2011
Sjanger	Soul, Jazz, Rhythm and blues
Instrument	gitar, trommesett, vokal
Stemmetype	alt
Plateselskap	Universal Music Group, Island Records, Republic Records
Verka som	songar-låtskrivar, gitarist, jazzmusikar, jazzgitarist, musikar, plateartist, songar, låtskrivar, kunstnar, komponist
Mor	Janis Seaton
Far	Mitch Winehouse
Gift med	Blake Fielder-Civil
Sambuar med	Alex Clare, Reg Traviss
Prisar	Grammy Award for beste nye artist

Amy Jade Winehouse (fødd 14. september 1983 i Southgate i Enfield i London, død 23. juli 2011 Camden i London) var ein britisk soul-, jazz- og rhythm and blues-songar og låtskrivar. Ho debuterte med albumet «Frank» som selde til platina i 2003, og slo gjennom med hitlåta «Rehab» rundt juletider 2006. Ho gav ut to album; Frank og Back to Black. På Grammygallaen 2008 fekk ho 5 grammyprisar og er dermed den første kvinna frå Storbritannia som har vunne 5 grammyprisar på éin kveld.

Amy Winehouse levde eit turbulent liv. Ho vart utvist frå Sylvia Youngs teaterskole for born og unge då ho var 16 år, ho vart innlagd på avvenningsklinikk for narkotikamisbruk mange gonger, og ho måtte avlyse mange konsertar på kort varsel, blant anna på Øyafestivalen sommaren 2006. Mykje tyder på at ho hadde bipolar liding, og at alkoholbruken var ei form for sjølvmedisinering.

Amy Winehouse døydde 23. juli 2011 i London, 27 år gammal, og føyer seg inn i fenomenet som rockehistorikarane kallar 27 Club. Det vil seia store musikarstjerner som døydde 27 år gamle, t.d. Jimi Hendrix, Janis Joplin, Kurt Cobain og Jim Morrison.

Studioalbum

• 2003 - Frank
• 2006 - Back to Black

Singlar

• 2003 - Stronger Than Me
• 2003 - Take The Box
• 2004 - In My Bed/You Sent Me Flying
• 2004 - Pumps/Help Yourself
• 2006 - Rehab
• 2006 - You Know I'm No Good
• 2007 - Back To Black
• 2007 - Tears Dry On Their Own