Anders Henriksson Sandstad
| Anders Henriksson Sandstad | |
.jpg) | |
| Statsborgarskap | Noreg |
| Fødd | 12. september 1804 Skogn |
| Død |
17. august 1904 (99 år) |
| Yrke | bonde, politikar, lensmann, underoffiser |
| Språk | norsk |
| Anders Henriksson Sandstad på Commons | |
Anders Henriksson Sandstad (12. september 1804–17. august 1904) var ein norsk gardbrukar, lensmann, ordførar og stortingsmann frå Ytterøya i Nord-Trøndelag.
Anders Sandstad var fødd i Skogn.[1] Far hans busette seg på garden Sandstad på Ytterøya i 1805, og dreiv denne til sonen tok over drifta i 1826. Sonen hadde innan då teke underoffiserseksamen i 1824, og var underoffiser til 1829. Åra 1830-38 var han lensmann i Ytterøy. Han var medlem av heradsstyret på Ytterøya i 22 år, 20 av åra sat han i formannskapet og i 15 av dei var han ordførar. Han var også medlem av forlikskommisjonen i mange år.
Sandstad var stortingsmann frå Nordre Trondhjems amt i 1848, 1851 og 1859-60. På dei to fyrste tingsamlingane var han medlem av næringskomite nr 2, medan han i 1859-60 var medlem av gasje- og pensjonskomiteen. Han var på ulike varamannsplassar til seks av stortinga mellom 1845 og 1869.
Han vart tildelt borgardådsmedaljen i sølv.
Han døydde i 1904 på garden sin på Ytterøy nær 100 år gammal.
Kjelder
[endre | endre wikiteksten]- ↑ Stortinget og statsraadet. Vol. 2 : Biografier L-Ø : samt tillæg. Kristiania: Steen'ske bogtrykkeri. 1914. s. 750.
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Anders Henriksson Sandstad ved PolSys hos Sikt – Kunnskapssektorens tjenesteleverandør