Anxhela Peristeri
| Anxhela Peristeri | |||
| Fødd | 24. mars 1986 (38 år) | ||
|---|---|---|---|
| Fødestad | Korçë | ||
| Opphav | Albania | ||
| Aktiv | 2004– | ||
| Instrument | vokal | ||
| Verka som | songar | ||
Anxhela Peristeri (fødd 24. mars 1986) er ein albansk songar og låtskrivar. Ho scenedebuterte i 2001, då ho deltok i Festivali i Këngës. Tre år seinare gav ho ut debutalbumet sitt, Anxhela për ju. Peristeri har sidan motteke fleire prisar og utmerkingar, blant andre Festivali i Këngës Award og Kënga Magjike Award. I mai 2021 representerte ho Albania i Eurovision Song Contest 2021 med låten «Karma».
Bakgrunn[endre | endre wikiteksten]
Peristeri vart fødd 24. mars 1986 i Korçë i den dåverande sosialistiske folkerepublikken Albania, der ho voks opp i ein kristenortodoks familie.[1][2]
I desember 2001 dukka Peristeri for fyrste gong opp i offentlegheita i Albania, då ho deltok i den 40. utgåva av Festivali i Këngës med songen «Veitëm ty të kam».[2] I 2004 gav ho ut sitt fyrste og førebels einaste album, Anxhela për ju. Ho har sidan opptredd på ei rekkje konsertar, turnear og tv-program i Albania, blant andre Kënga Magjike, Çmima Kult, Netët e Klipit og YFSF.[3] I 2018 heldt ho konserten Reflektim.[3]
Peristeri har delteke i fleire talent- og TV-tevlingar. I desember 2016 deltok ho for fyrste gong i talenttevlinga Kënga Magjike med songen «Genjështar», der ho enda på andreplass. Året etter vann ho same tevling med songen «E çmëndur».[4][5] I desember 2019 deltok ho i Kënga Magjike for tredje gong, og enda då på tredjeplass med songen «Dikush i imi».[6]
I oktober 2020 kunngjorde den albanske allmennkringkastaren Radio Televizioni Shqiptar (RTSH) at Peristeri var blant dei 26 deltakarane i den 59. utgåva av Festivali i Këngës. Ho deltok med songen «Karma».[7] Finalen vart arrangert 23. desember 2020, og Peristeri vann Festivali i Këngës. Gjennom sigeren fekk ho representere Albania i Eurovision Song Contest 2021 i Rotterdam i Nederland. Peristeri deltok med «Karma» i den andre semifinalen torsdag 20. mai 2021 og kvalifiserte seg til finalen 22. mai.[8][9][10] I finalen enda ho på 21. plass.[11]
Diskografi[endre | endre wikiteksten]
Album[endre | endre wikiteksten]
- Anxhela për ju (2004)
Singlar[endre | endre wikiteksten]
| År | Tittel |
|---|---|
| 2001 | «Veitëm ty të kam» |
| 2004 | «1001 djem» |
| «Ishe mbret» | |
| 2005 | «Hej ti» |
| «Sonte dridhuni»
(med Big Man) | |
| 2014 | «Femër mediatike» |
| «Ai po ikën» | |
| 2015 | «Bye Bye»
(med Marcus Marchado) |
| «Ska si ne»
(med Aurel, Blerina og Erik Lloshi) | |
| «Si po jetoj» | |
| 2016 | «Llokum»
(med Gold AG og Labi) |
| «Genjështar» | |
| 2017 | «Qesh»
(med Aurel Thëllimi) |
| «I joti» | |
| «E çmëndur» | |
| 2018 | «Insanely in Love»
(med Kastriot Tusha) |
| «Shpirti ma di» | |
| «Pa mua» | |
| 2019 | «Muza ime»
(med Mateus Frroku) |
| «Maraz» | |
| «Shpirt i bukur» | |
| «Dikush i imi» | |
| 2020 | «Ata»
(med Sinan Vllasaliu) |
| «Dashni» | |
| «Lujta» | |
| «Karma» |
Referansar[endre | endre wikiteksten]
- ↑ «Anxhela Peristeri #Bio» (på albansk). Top Music Awards. Arkivert frå originalen den 25. desember 2020. Henta 25. desember 2020.
- ↑ 2,0 2,1 «Anxhela Peristeri :: Biografia». Henta 29. desember 2020.
- ↑ 3,0 3,1 «Anxhela Peristeri - Albania - Rotterdam 2021» (på engelsk). Henta 29. desember 2020.
- ↑ «“Ma thuaj ti” fiton “Këngën Magjike”» (på engelsk). 11. desember 2016. Arkivert frå originalen 25. desember 2020. Henta 29. desember 2020.
- ↑ «“E çmendur”, kënga më e mirë për 2017-ën» (på engelsk). 10. desember 2017. Arkivert frå originalen 28. oktober 2020. Henta 29. desember 2020.
- ↑ «Eneda Tarifa, fituesja e Kënga Magjike» (på albansk). Televizioni Klan. 7. desember 2019. Arkivert frå originalen 28. oktober 2020. Henta 28. oktober 2020.
- ↑ Smith, David (28. oktober 2020). «Albania: 26 artists confirmed for Festivali i Këngës 59…including Orgesa Zaimi, Inis Neziri and Era Rusi». Wiwibloggs. Arkivert frå originalen 28. oktober 2020. Henta 28. oktober 2020.
- ↑ «Anxhela Peristeri to represent Albania at Eurovision 2021!» (på engelsk). EBU. 23. desember 2020. Arkivert frå originalen 24. desember 2020. Henta 29. desember 2020.
- ↑ «Anxhela Peristeri fiton çmimin e parë në festivalin e 59-të të këngës» (på albansk). Radio Televizioni Shqiptar (RTSH). 24. desember 2020. Arkivert frå originalen 24. desember 2020. Henta 25. desember 2020.
- ↑ «Eurovision 2021 Semi-final 2 Results». Henta 22. mai 2021.
- ↑ «Anxhela Peristeri - Albania - Rotterdam 2021» (på engelsk). Henta 5. september 2021.
- Denne artikkelen bygger på «Anxhela Peristeri» frå Wikipedia på bokmål, den 21. november 2021.