Arctic Equestrian Games

Frå Wikipedia – det frie oppslagsverket
Hopp til navigering Hopp til søk

Arctic Equestrian Games, arrangert av Oslofjord og Vestfold Horse Show AS, er er ein årleg hending for hesteinteresserte, og Noregs største hesteshow.[1] AEG blei arrangert for fyrste gong februar i 2006Oslofjord Convention Center i Stokke. AEG avgrensar seg til ryttarar som er elitestevnekvalifisert.

President for AEG er Eirik Berentsen, ein av Noregs beste sprangryttare gjennom tidene[treng kjelde].

Arrangement[endre | endre wikiteksten]

AEG 2006[endre | endre wikiteksten]

AEG blei fyrste gong gjennomført i 2006. Under dette arrangementet heldt Briskeby og Sandra Lyng Haugen konsertar, samt at Ylvis-brørne og Kjetil og Kjartan opptrådde. Det blei også arrangert eit ungarsk hesteshow. Arrangørane fekk kritikk for dårleg transportmogelegheiter og høge matprisar, men ros for servicen og personalet. Nettstaden hest.no skriv at personalet var «Kun ja-mennesker».[2] Fleire av dei som hadde utstilling og hadde betalt for stand under arrangementet kravde halvparten av pengane tilbake frå arrangøren Vestfold Horse Show AS på grunn av for få besøkande i forhold standpris,[3] noko som blei svart med eit tilbod om enten 20 % refundering av det dei hadde betalt for å ha stand på BCC eller 15 % avslag under AEG 2007 samt sikra standplass. I følgje arrangøren valde 85 % den siste løysinga.

AEG 2007[endre | endre wikiteksten]

AEG 2007 varte i elleve dagar, og involverte 250 ryttarar og 550 hester.[4] Den totale premiepotten på dette ridestemnet var på 1,5 millionar NOK.

AEG 2008[endre | endre wikiteksten]

AEG skal bli avhalden for tredje gong i 2008, frå 14. februar til 24. februar.

AEG Promotion Cup[endre | endre wikiteksten]

I 2008 vart det arrangerte ein AEG Promotion Cup kor alle rideklubbar i Noreg var med, og dermed kvalifiserte seg for Horze Jumping cup- og Amateur Challenge-klassane. Denne konkurransen blei arrangert av Eirik Berentsen, og vart ein salskonkurranse.[5]

Arena[endre | endre wikiteksten]

AEG blir halde inne i storsalen på Oslofjord Convention Center, kor hestearenaen måler 28 x 72 meter, og det er publikumsplass til 4 000.

Greinar[endre | endre wikiteksten]

AEG skil seg ut frå andre hestearrangement ved kombinering mellom greiner som sprang, dressur og mounted games samstundes som det blir arrangert underhaldningshow og -konsertar.

Under AEG blir det òg heldt forskjellige hesteshow som Six Bar, Rid'n Bike, Charity Show, forsøk på noregsrekord i høgdehopp, ponnigalopp, moteshow for hest, unghestauksjon og norsk varmblods hingstkåring.

Kjelder[endre | endre wikiteksten]

Referansar[endre | endre wikiteksten]

Bakgrunnsstoff[endre | endre wikiteksten]