Dødslekene

Denne artikkelen handlar om den fyrste boka i Dødslekene-serien. For heile serien, sjå Dødslekene-serien.

Dødslekene

The Hunger Games
Forfattar(ar)	Suzanne Collins
Språk	engelsk
Sjanger	ungdomsfiksjon, science fiction-litteratur, post-apocalyptic literature, eventyrfiksjon, dystopisk litteratur
Utgjeven	14. september 2008
Forlag	Scholastic
Sider	374

Dødslekene (engelsk The Hunger Games) er den fyrste boka i trilogien Dødslekene av Suzanne Collins. Boka fekk for det meste positive tilbakemeldingar frå store lesarar og forfattarar, m.a. forfatterane Stephen King og Stephenie Meyer. Boka blei rost for handlinga og karakterane, men nokre meldarar merka seg likskapar mellom Collins si bok og Koushun Takami sin roman Battle Royale (1999).

Dødslekene har vunne mange prisar, inkludert California Young Reader Medal, og var kåra til ein av Publishers Weekly sine «Best Books of the Year» (Årets beste bøker) i 2008. Romanen var fyrst given ut i innbundet form den 14. september 2008, av Scholastic. Boka sitt omslag var designa av Tim O'Brien. Sidan det har boka blitt utgiven i pocket og som lydbok og ebok. Boka har blitt omset til 26 språk. Boka er den fyrste i Dødslekene-triologien, etterfylgt av Opp i flammer (2009) og Fugl Føniks (2010). I 2012 kom ei filmatisering ut, regissert av Gary Ross.

Handling

Dødslekene handlar om landet Panem, der det kvart år blir vald ut ei jente og ein gut (mellom 12 og 18 år) i kvart av dei 12 distrikta som skal vere med i Dødslekene. Det er ein konkurranse der desse ungdommane blir sende ut på ein utandørs arena der dei må drepe kvarandre til det berre står ein levande igjen, til underhaldning for innbyggjarane i Capitol. Arrangementet er nasjonalt fjernsyn som obligatorisk vising for alle borgarar og den siste levende deltakaren blir erklært sigerherre.

Hovudpersonen i boka, Katniss Everdeen, er nøydd til å konkurrere når ho ofrar seg for veslesystera, Primrose. Ho må forlate venen Gale Hawthorne og møter Peeta Mellark.

Bakgrunn

Collins sa ho fekk inspirasjon til trilogien då ho såg etter noko å sjå på på TV. Medan ho bytta kanalar såg ho både folk som tevla om ein pris og video frå Irakkrigen. Samansetjinga gav henne dei fyrste ideane til serien.

Andre inspirasjonar er frå klassiske kjelder, som den greske myten om Thesevs og minotauren, der kong Minos straffar Aten ved å ofra sju unggutar og sju unge jenter frå byen til minotauren, som drep dei i ein stor labyrint. Collins har sagt at til og med som barn beit ho seg merke i vondskapen ved å tvinga atenarane til å ofra sine eigne barn. Ho har også nemnd romerske gladiatorkampar som inspirasjon, med ein mektig og nådelaus leiarskap, folk tvinga til å kjempa til døde, og kampane som kjelde til underhaldning for folket.

Filmatisering

Jennifer Lawrence spelar Katniss Everdeen. Lawrence var fire år eldre enn karakteren når filminga byrja. Ho seier ho er ein fan av bøkene. Josh Hutcherson og Liam Hemsworth spelar Peeta Mellark og Gale Hawthorne. Filmen fekk 13-års aldersgrense. Seinare fekk han aldersgrense 11 år.

Kjelder

• Denne artikkelen bygger på «The Hunger Games» frå Wikipedia på engelsk, den 16. juli 2012.

• Denne artikkelen bygger på «Suzanne Collins» frå Wikipedia på engelsk, den 16. juli 2012.