Asle Madssen Strand
| Asle Madssen Strand | |
| Fødd | 7. april 1825 |
|---|---|
| Død | 11. mars 1902 (76 år) |
| Statsborgar av | Noreg |
| Yrke | bonde, politikar |
Asle Madssen Strand (7. april 1825–11. mars 1902) var ein norsk gardbrukar, trelasthandlar og stortingsmann frå Sigdal i Buskerud. Han var far til Truls Aslesen Strand, medan Reiulf Madssen Strand var bror hans.
Far hans var gardbrukar i Sigdal. Sjølv tok han over farsgarden i 1853 og dreiv han i lang tid. I tillegg dreiv han handel med trelast. Han var medlem av heradsstyret i mange år, ordførar 1858-59 og 1862-65. Elles var han medlem av forlikskommisjonen og sparebankdirektør 1855-64.
Han representerte Buskeruds amt på Stortinget 1865-66, 1868-69 og 1874-76. På alle tingsamlingane var han medlem av militærkomiteen.
Han døydde på garden sin i Sigdal i 1902.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Asle Madssen Strand NSD Norsk senter for forskningsdatas politikararkiv