Bangor i Nord-Irland
- Denne artikkelen handlar om Bangor i Nord-Irland. For andre stader med same namn, sjå Bangor.
| Bangor | |||
| Beannchar | |||
| by | |||
 | |||
| Land |  Nord-Irland | ||
|---|---|---|---|
| Region | County Down | ||
| Folketal | 61 011 (2011) | ||
| Postnummer | BT19-20 | ||
| Retningsnummer | 028 | ||
 Bangor i Nord-Irland 54°40′N 5°40′W / 54.66°N 5.67°W | |||
| Wikimedia Commons: Bangor, County Down | |||
Bangor er ein by i Down i Nord-Irland. Han er ein kystby på sørsida av Belfast Lough, som voks til ved eit kloster grunnlagt av St. Comgall i 586. Klosteret er kjent som staden der Antiphonarium Benchorense vart skriven, og ein kopi av manuskriptet er utstilt i kultursenteret i byen.
Byen er den tredje største i Nord-Irland, og er administrasjonssenter for distriktet North Down. Han har ein marina som òg er blant dei største i Nord-Irland. Royal Ulster Yacht Club har hovudkvarteret sitt der.
Fordi Bangor ligg nær Belfast og er knytt til han gjennom vegen A2 og ei jernbanelinje, har han eit visst preg av å vere ein forstad til Belfast. Det finst noko lett industri, men mange av innbyggjarane er pendlarar. Turisme er ein viktig næringsveg, og det er planar om å oppruste området ned mot sjøen.
Fredsprisvinnaren og unionistpolitikaren David Trimble og Formel 1-føraren Eddie Irvine er begge opphavleg frå Bangor.
Kjelder
[endre | endre wikiteksten]- Denne artikkelen bygger på «Bangor (Nord-Irland)» frå Wikipedia på bokmål, den 13. juli 2011.
