Barbie

Frå Wikipedia – det frie oppslagsverket
Hopp til navigering Hopp til søk

Barbie er namnet til ei dokke som produserast av det amerikanske leiketøyselskapet Mattel. Den fyrste dokka vart lansert i 1959, og var ei revidert utgåve av den tyske teikneseriefiguren Bild Lilli – som på si side var eit erotisk innslag for å underhalde vaksne menn. Ruth Handler, som i lag med sin ektemann Elliot grunnla Mattel i 1945, såg potensialet i Lilli-dokka og ville gjere den om til ei dokke som passa for unge jenter. Med god hjelp frå Jack Ryan, omskapte Handler Lilli til den fyrste utgåva av Barbie – som vart oppkalla etter Handlers dotter Barbara. Dokka vart ikkje godt motteke i starten. Det var nesten berre menn som jobba i leiketøyindustrien på denne tida, og dei likte ikkje tanken på at borna deira skulle leike med dokker med kvinnelege former. Etter mykje fram og tilbake henta Mattel inn den austerriske psykoanalytikaren Ernest Dichter, som etter kvart fekk folk til å endre meining om Barbiedokka. Den fyrste Barbien som kom i produksjon vart dermed ein stor suksess. Sjølve dokka vart seld relativt billig medan kleda vart selde separate og til ein mykje høgare pris[1]. [3]

Opp gjennom åra har det vorte lansert ei rekke ulike Barbiedokker, stadig med nye moteklede og klede for ulike yrker. Barbie har mellom anna ein kjærast – Ken – og ei yngre syster – Skipper. [1] Ho har prøvd seg som lærar, atlet, soldat, astronaut, veterinær, lækjar, president og mykje anna. [3] Utsjånaden hennar har også endra seg gjennom åra, for at ho skal sjå tidsriktig ut. Trass i at det har vorte lansert Barbiedokker med ulike hud- og hårfarger samt ulike storleikar og fasongar, har Barbie møtt ein storm av kritikk. Særleg dei siste åra har det vorte fokus på at Barbie si verd består av utdaterte verdiar og fremmer sexistiske og rasediskriminerande ideal. Mange meiner også at Barbie fremmer urealistiske kroppsmål som ikkje er bra for unge jenter å vakse opp med. [2]

Kjelder[endre | endre wikiteksten]

Fotnotar[endre wikiteksten]

  1. «The Toys That Made Us | Netflix Official Site», www.netflix.com, henta 2018-11-13 
Spire Denne artikkelen er ei spire. Du kan hjelpe Nynorsk Wikipedia gjennom å utvide han.