Bianca Urbanke
| Bianca Urbanke | |
| Statsborgarskap | Tyskland, Den tyske demokratiske republikken |
| Fødd | 17. september 1967 (56 år) Ludwigsfelde |
| Idrett | handball |
| Tok del i | |
| Utmerkingar |
Årets håndballspiller i Tyskland, Årets håndballspiller i Tyskland |
Bianca Urbanke (fødd 17. september 1967) er ein tysk tidlegare handballspelar som i 1993 vart verdsmeister for Tyskland. Ho var høgre rykkromspelar.
Karriere[endre | endre wikiteksten]
Landslagsspel[endre | endre wikiteksten]
Urbanke fekk sin landslagsdebut med Aust-Tyskland i 1987, men deltok ikkje i nokon større turnering. I 1993 var ho laget sin toppskårar då det samla Tyskland gjekk til topps i verdsmeisterskapen i Noreg, etter siger over Danmark i finalen. På heimebane året etter tapte Tyskland EM-finalen. Etter femteplass i Handball-VM 1995, fekk Urbanke minimalt med speletid under Sommar-OL 1996 i Atlanta. Sidan deltok ho berre i Handball-VM 1999 av store landslagsturneringar. Urbanke spelte 207 landskampar og skåra 775 mål.
Klubbspel[endre | endre wikiteksten]
Opp til 1990 vann Urbanke tre meisterskapspokalar i Aust-Tyskland. I 1990 fekk ho kontrakt med Bayer Leverkusen. Her vann ho DHB-pokalen i 1991 og tapte finalen i IHF-cupen. Hausten 1993 gjekk ho over til TV Lützellinden. Våren 1994 var laget nær ved å kvalifisere seg til finalen i EHF-meisterligaen, rauk på dårlegare målskår enn Vasas Budapest. 1994-99 var ho Frankfurter HC-spelar. Frå 1999 til februar 2001 spelte Urbanke for spanske Mislata. Her vann ho EHF-cupen i sin første sesong. Sesongen etter vart ho spansk cupmeister. Til sist var ho Frankfurt-spelar fram til 2004. Som kaptein var ho med på å vinne DHB-pokalen i 2003. Ho avslutta med å verte tysk ligameister i 2004. Både i 2003 og 2004 vart ho kåra til årets spelar i Tyskland.
Merittar[endre | endre wikiteksten]
- VM-gull: 1993 med Tyskland
- EM-sølv: 1994 med Tyskland
- Vinnar av IHF-cupen: 1990 for Vorwärts Frankfurt
- Vinnar av EHF-cupen: 2000 for Mislata
- Austtysk seriemeister:1986, 1987, 1990 for Vorwärts Frankfurt
- Tysk seriemeister: 2004 for Frankfurter HC
- Vinnar av DHB-pokalen: 1991 for Bayer Leverkusen og 2003 for Frankfurter HC
- Spansk cupmeister: 2011 for Mislata
Kjelder[endre | endre wikiteksten]
- Denne artikkelen bygger på «Bianca Urbanke» frå Wikipedia på tysk, den 29. november 2023.