Bielefeld
| Bielefeld | |
|---|---|
 | |
| Byvåpen | Plassering |
|
  |
| Styresmakter | |
| Land Delstat Regierungsbezirk Landkreis |
 Tyskland Nordrhein-Westfalen Detmold Kreisfri by |
| Grunnlagd | 1214 |
| Geografi | |
| Flatevidd - By |
257,8 km² |
| Innbyggjarar - By (2007) - folketettleik |
325 846 1 264/km² |
| Koordinatar | 52°1′0″N 8°31′0″E / 52.01667°N 8.51667°E |
| Høgd over havet | 115 m |
| Tidssone - Ved sommartid |
CET (UTC+1) CEST (UTC+2) |
| Diverse annan informasjon | |
| Postnummer | 33501-33739 |
| Telefon-retningsnummer | 0521, 05202-05209 |
| Bilnummer | BI |
| Heimeside: www.bielefeld.de | |
Bielefeld er ein by i Tyskland nordaust i delstaten Nordrhein-Westfalen med om lag 325 000 innbyggjarar. Han ligg i regionen Detmold på både aust- og vestsida av Teutoburger Wald.
Namnet «Bielefeld» kjem frå det gamle namnet bileveld, som tyder «åslendt slette». Byen ligg mellom dei to åsryggane som utgjer den sørlege og nordlege delen av Teutoburger Wald. Sentrum ligg på austsida, medan delar av den moderne byen har spreidd seg til motsett side og på åskammane.
Historie
[endre | endre wikiteksten]Bielefeld vart grunnlagd i 1214 av grev Hermann II von Ravensberg for å vakte gjennomgangen av Teutoburger Wald. Det store slottet Sparrenburg vart bygd sentralt i byen og vart aldri erobra gjennom heile mellomalderen. Slottet forfall utover på 1700- og 1800-talet og vart restaurert i 1879, men har no ein litt anna utsjånad enn det hadde i mellomalderen.
På 1400-talet var Bielefeld eit av dei minste medlemmane i Hansaen. Seinare utvikla handelen med lin seg og byen vart kjend som «linbyen».
Industri
[endre | endre wikiteksten]I dag består industrien mellom anna næringsmiddelindustri, tilverking av hushaldningsutstyr, informasjonsteknologi og ulik tungindustri. Bielefeld har òg dei to største protestantiske sosiale institusjonane (Diakonie) i Europa, von Bodelschwingsche Anstalten Bethel[1] og Evangelisches Johanneswerk[2].
Utdanning
[endre | endre wikiteksten]Bielefeld har hatt universitet sidan 1969. Av dei første professorane var den kjende tyske sosiologen Niklas Luhmann. Andre høgare utdanningsinstitusjonar i Bielefeld er det teologiske seminaret Bethel (Kirchliche Hochschule Bethel) og Fachhochschule som er internasjonalt kjend for si utdanning innan fotografi og design. Andre kulturinstitusjonar er kunstmuseet (Kunsthalle) og Rudolf Oetker-konsertsal (Rudolf-Oetker-Halle).
Kjelder
[endre | endre wikiteksten]- Denne artikkelen bygger på «Bielefeld» frå Wikipedia på engelsk, og «Bielefeld» frå Wikipedia på bokmål den 15. juni 2007.
Bakgrunnsstoff
[endre | endre wikiteksten]
Wikimedia Commons har multimedia som gjeld: Bielefeld