Blandford Forum

Blandford Forum
by
Land	England
Region	Dorset
Distrikt	North Dorset
Folketal	10 607 (2021)
Postnummer	DT11
Retningsnummer	0 1258
Blandford Forum 50.8615°N 2.1627°W / 50.8615; -2.1627
Wikimedia Commons: Blandford Forum

Blandford Forum (gjerne kalla berre Blandford) er ein by i grevskapet Dorset i England. Han har kring 10 000 innbyggjarar og ligg ved elva Stour. Han er administrasjonssenter for North Dorset. Rett utanfor byen kryssar A350 og A354 kvarandre. Begge går utanom sentrum.

Staden har vore ein vadestad sidan angelsaksisk tid. Den eldste namneforma er Blaen-y-ford, «staden ved vadestaden», eit namn byen deler med landsbyen Blandford St. Mary like ved. Innan 1200-talet hadde han blitt ein viktig marknadsby, med ein kvegmarknad som forsynte dei mange mjølkebøndane i området med dyr. Byen var òg ein vanleg stoppestad under reisa mellom London og hamnebyen Weymouth. Det vert framleis halde marknad ein gong i veka.

Rådhuset, første halvdel av 1700-talet.

I 1731 brann store delar av byen ned. John og William Bastard stod for gjenoppbygginga, som tok omkring 30 år. Soknekyrkja i byen, som er vigd til apostlane Peter og Paulus er ein bygning i klassisk stil, med kuppel. Ho vart reist i 1732. Sentrum er eit utmerka døme på georgiansk arkitektur.

Sør for byen kryssar ei steinbru med seks bogar Stour.

Eit av dei viktigaste føretaka i byen er Badger Brewery, som leverer øl til mange pubar i regionen.

Kjelder

• Denne artikkelen bygger på «Blandford Forum» frå Wikipedia på bokmål, den 16. juli 2011.

Bakgrunnsstoff

Commons har multimedium som gjeld: Blandford Forum

• Offisiell nettstad