Blink
- Sjå òg nettstaden Blink
Foto: Casito
Ein blink er eit mål ein sikter eller skyt på. Det viser ofte til [midten av] ei skyteskive, men ein kan bruka ei rekke ulike ting til blink. Ein blink er ofte delt inn i felt ved å bruke sirklar, der området mellom sirklane er verdt ein gitt poengsum. Den innarste sirkelen, oftast kalla «midten» gir den høgste poengsummen. «Midt i blinken» er eit norsk uttrykk som viser til ein slik blink, men som har den overførte tydinga at noko er akkurat slik det skal vera.
Ei kjend soge om ein blink er eplet oppå hovudet til sonen til bogeskytaren Wilhelm Tell. Innan populærkulturen viser ein ofte til denne nettopp ved å bruka eple på hovud som blinkar.
